உண்ணும் உணவில் அக்கறை கொண்டிருப்பதோடு கூடவே தெய்வ சிந்தனையையும் கொண்டிருக்க வேண்டும். மனிதர்கள் தெய்வ சிந்தனையில் ஈடுபடாததால் பல துன்பங்களுக்கு ஆளாகின்றனர். மனிதன் தெய்வ சிந்தனையைக் கொண்டிராமல் இரண்டு தீய குணங்களைக் கொண்டிருக்கிறான். ஒன்று - தன்னுடைய பல குறைபாடுகளையும் தீய குணங்களையும் தனக்குள்ளேயே மறைத்துக் கொள்கிறான். மற்றொன்று - மற்றவர்களின் சிறு குறைகளைக் கூட பெரிதாக்குகிறான். மனிதர்களிடம் இத்தகைய தீய குணங்கள் இருப்பதால், மறுபுறம் நோய்களும் அதிகரித்து வருகின்றன. மனித முயற்சி இருந்தால்தான் இறைவன் அருளால் நல்ல பலன்களை அடைய முடியும். "தர்மார்த்த காம மோக்ஷானாம் ஆரோக்கியம் மூலம் உத்தமம்" அதாவது, வாழ்க்கையின் நான்கு புருஷார்த்தங்களை அடைய நல்ல ஆரோக்கியம் அவசியம் என்பது ஒரு வடமொழிக் கூற்று. உலகின் எல்லாச் செல்வங்கள் ஒருவனிடம் இருந்தாலும், உடல்நிலை பாதிக்கப்பட்டால் அவனுடைய நிலை பரிதாபகரமாக ஆகிவிடுகிறது. ஒருவர் கிராமவாசியோ அல்லது நகரவாசியோ, அவர் அர்த்தமுள்ள வாழ்க்கையை நடத்துவதற்குப் பெற வேண்டிய மிக முக்கியமான செல்வம் நல்ல ஆரோக்கியமே! (தெய்வீக அருளுரை, ஜனவரி 29, 1994)

உன்னத எண்ணங்கள், சிந்தனைகள் மற்றும் உணர்வுகளை வளர்த்துக் கொண்டால், மனிதனின் மனம் பளிச்சிடும் தூய்மையுடன் மின்னும். மனத் தூய்மையை வளர்ப்பதன் மூலமாகவே செயலின் தூய்மையை உறுதி செய்ய முடியும். தூய செயல்கள் மட்டுமே தூய பலன்களைத் தரும். - பாபா