சேவையே, அகந்தையைக் குணப்படுத்துவதற்கான அருமருந்தாகும்; எனவே, உங்களால் முடிந்தவரை துன்பத்தையும் துயரத்தையும் துடைப்பதற்கு அதில் ஈடுபடுங்கள்! ராமாயணத்தில், ஸ்ரீராமரும் அவரது படையும் கடப்பதற்கான பாலத்தை அமைப்பதற்காக, வானரங்கள் பெரும் பாறைகளைக் கொண்டு வந்து கடலில் வீசின; சின்னஞ்சிறு அணிலும் கூட, தன்னால் முடிந்தவரை உதவி புரிந்தது; அது கடற்கரை மணலில் புரண்டு எழுந்து, பாலம் கட்டுவதற்காக வைக்கப்பட்டிருந்த மணற்குவியலுக்கு ஓடி, தன் உடலில் ஒட்டியிருந்த மணலை நன்றாக உதறி, பெருத்த வானரங்கள் குவித்திருந்த மணற்குவியலில் துளியளவு மட்டுமே சேர்த்தது. ஸ்ரீராமர் அணிலை கவனித்து அதன் பக்தியை மெச்சினார்; அதை அன்புடன் எடுத்து அவரது உள்ளங்கையில் வைத்துக்கொண்டு அதன் முதுகை இதமாகத் தடவி ஆசீர்வதித்தார். அதுவே போதுமான பரிசாக இருந்தது. அன்றிலிருந்து அணிலின் இனமே, அந்த நன்றியுணர்வு மற்றும் அருளின் அடையாளமாக அவற்றின் முதுகில் மூன்று கோடுகளைப் பெற்றது! உங்களால் முடிந்தவரை பிறரின் துன்பத்தைத் துடைக்க முயலுங்கள்; அதுவே சாதகனுக்கான மிகச் சிறந்த ஆன்மிக சாதனையாகும்! (தெய்வீக அருளுரை, ஜனவரி 13, 1968)