ஒவ்வொரு தசராவிலும் பூஜை, யாகம் மற்றும் ஹோமம் ஆகியவை ஏற்பாடு செய்யப்படுகின்றன. பயம், துக்கம் மற்றும் பதட்டம் ஆகியவற்றிலிருந்து உங்களைக் காத்துக்கொள்வதற்காக, நீங்கள் ஒவ்வொருவரும் நிரந்தரமாக செய்ய வேண்டிய ‘தியாகம்’ எனும் யாகத்தைப் பற்றி நீங்கள் அறிந்துகொள்ள இது உதவும். ஒவ்வொரு நாளும் வேத பண்டிதர்கள் உலக அமைதியை வேண்டி, அதாவது மனிதகுலம் அனைத்தும் சாந்தி, சந்தோஷங்கள் பெற வேண்டும் என்ற பிரார்த்தனையுடன் யாகத்தை நிறைவு செய்வதை நீங்கள் கவனித்திருப்பீர்கள்; ஏனென்றால் சந்தோஷம் இல்லையேல் சாந்தியில்லை, சாந்தி இல்லையேல் சந்தோஷம் இல்லை. ‘லோகா சமஸ்தா சுகினோ பவந்து’ - உலகில் உள்ள அனைவரும் சந்தோஷமும், சாந்தியும் பெறட்டும் என்று அவர்கள் பிரார்த்திக்கிறார்கள். மனஅமைதியை, செல்வத்தினாலோ, புகழாலோ, புலமையினாலோ அல்லது திறமையாலோ பெற முடியாது. அதற்கு நீங்கள் மனதைத் தூய்மைப்படுத்த வேண்டும், இதயத்தைப் பரிசுத்தமாக்க வேண்டும், உங்களைச் சுற்றி நடமாடிக்கொண்டிருக்கும் தெய்வீக வடிவங்களுக்கு சேவை செய்வதற்காக ஏங்க வேண்டும். ஒவ்வொரு செயலையும் இறைவழிபாடாகச் செய்யுங்கள்; ஒவ்வொரு சிந்தனையையும் இறைவனுக்கான ஏக்கமாக ஆக்குங்கள்; உங்கள் நாவிலிருந்து வரும் ஒவ்வொரு சொல்லையும் இறைவனைத் துதிக்கும் பாடலாக மாற்றுங்கள். பிரசாந்தி நிலையத்திலிருந்து நீங்கள் கற்றுக்கொள்ள வேண்டிய பாடம் இதுவே. (தெய்வீக அருளுரை, அக்டோபர் 11, 1972)