குருபூர்ணிமா இன்று அனுசரிக்கப்படுகிறது. குரு என்றால் பெரியது. குருவுக்கு இன்னொரு அர்த்தமும் உண்டு: ‘கு’ என்றால் இருள், ‘ரு’ என்றால் அகற்றுவது. ‘குரு’ என்றால் ‘இருளை அகற்றுபவர்’ (அறியாமை எனும் இருளை அகற்றுபவர் குரு). குரு பூர்ணிமா என்பது மனதில் இருந்து அறியாமை இருளைப் போக்குவதைக் கொண்டாடும் நாளாகும். எனவே, மக்கள் தங்கள் மனதை, அனைத்தையும் அரவணைக்கும் ப்ரேம தத்துவத்தால் நிரப்ப வேண்டும். நீங்கள் ப்ரேமையின் பூரணத்துவத்தை அனுபவிக்க, உங்கள் இதயங்களை ப்ரேமையால் முழுவதுமாக நிரப்ப வேண்டும். அதுவே முழுமையான பக்தியின் பலனாகும். ஆனால் இன்று, பக்தி என்பது முழுமையாக இல்லை. எனவே, பலனும் ஓரளவுதான். பகுதி நேர பக்தர்கள் முழு பலனையும் எதிர்பார்க்க முடியாது! எவருடைய இதயங்கள் முழுவதும் பக்தியால் நிரம்பியிருக்கிறதோ, அவர்கள் மீதே இறைவன் தன் அருளை பூரணமாக பொழிகிறான். ஆன்மிக சாதகர்கள், நவவித பக்தியில் எந்தப் பாதையை வேண்டுமானாலும் பின்பற்றி இறைவனை அடையலாம். இவற்றில், இறைவன் உடனான நட்புணர்வே (சக்ய பக்தி) போற்றப்பட வேண்டிய ஒன்று, ஏனென்றால் இறைவன் மட்டுமே அனைவருக்கும் உண்மையான நிலையான நண்பனாவான்! (தெய்வீக அருளுரை, ஜூலை 22, 1994)