தியானத்தின் இலக்கை எட்டும்வரை, நன்கு நிர்ணயிக்கப்பட்ட அமரும் முறைகளை (ஆசனங்கள்) அனுசரித்தே ஆக வேண்டும். அதுவரை, அதன் விதிமுறைகளைக் கடைப்பிடிக்க வேண்டும். இலக்கை எட்டியபிறகு, அதாவது மனமும், புத்தியும் வெல்லப்பட்டு நம் வசமானபின், படுக்கையிலோ, நாற்காலியிலோ, பாறையின் மீதோ அல்லது ஒரு வண்டியிலோ என எங்கிருந்தாலும், ஒருவர் தியானத்தில் ஆழ்ந்திருப்பது சாத்தியமே. மோட்டார் சைக்கிளை நீங்கள் ஓட்டக் கற்றுக்கொண்ட பிறகு, அதை உங்களால் எந்தப் பாதையாக இருந்தாலும் அதில் ஓட்டிச்செல்ல முடியும். ஆனால், அதை ஓட்டுவதற்கு கற்றுக்கொள்ள ஆரம்பிக்கும்போது, உங்களுடைய மற்றும் பிறரது பாதுகாப்பை உத்தேசித்து ஒரு திறந்தவெளி மைதானத்தைத் தேர்ந்தெடுக்க வேண்டும். மேலும் வண்டி ஓட்டும்போது சமநிலையாக இருப்பதற்கு சில கோட்பாடுகளைக் கடைப்பிடிக்க வேண்டியது அத்தியாவசியமாகும். அதேபோல, தியான சாதனையை மேற்கொள்பவர்கள் நிர்ணயிக்கப்பட்ட விதிகளை அனுசரித்தே ஆக வேண்டும். இதில் எந்த மாற்றத்தையும் செய்யக்கூடாது. (தியான வாஹினி, அத்தியாயம்-2)