நீங்கள் உங்களுடைய சொந்த நலனுக்காகவே இறைவனிடம் பக்தி கொள்கிறீர்கள். எந்த நாம, ரூபத்தில் நீங்கள் இறைவனை ஆராதித்தாலும் அவன் அருள் புரிவான். அவன் எல்லாவற்றையும் அளித்து, ஒவ்வொரு விருப்பத்தையும் பூர்த்தி செய்பவன். பக்தன் துயரத்தில் வாடுபவனாக, ஏதோ ஒரு பொருளை யாசிப்பவனாக, இறைவனையே நாடுபவனாக, ஞானியாக, எப்படிப்பட்டவனாக இருந்தாலும், அவனது பக்திக்கு ஏற்ப இறைவன் அருள்பாலிக்கின்றான். தெய்வீகத்தின் திருவுருவங்களே! இறைவனை அடைவதற்கு ப்ரேமையே மிகவும் சுலபமான மார்க்கமாகும். நிலவின் ஒளியை மட்டும் கொண்டு உங்களால் எப்படி நிலவைக் காணமுடிகிறதோ, ப்ரேமையின் திருவுருமான இறைவனை ப்ரேமையின் மூலமாக அடைய முடியும். ப்ரேமையை உங்களுடைய உயிர்மூச்சாகக் கருதுங்கள். ப்ரேமையே சிருஷ்டியின் போது முதன்முதலில் தோன்றிய குணமாகும். மற்ற அனைத்து குணங்களும் அதன் பிறகு தோன்றியவையே. எனவே உங்களுடைய இதயங்களை ப்ரேமையால் நிரப்பிக்கொண்டு, உங்கள் வாழ்க்கையை அதன் அடிப்படையில் அமைத்துக் கொள்ளுங்கள்! (தெய்வீக அருளுரை, நவம்பர் 23, 1986)