உங்களால் எவ்வளவு முடியுமோ, எவ்வளவு விரைவாக முடியுமோ அந்த அளவிற்கு சேவை செய்யுங்கள். உங்களால் நல்லது செய்ய முடியாவிட்டாலும், குறைந்தது தீமை செய்வதையோ அல்லது உங்களுக்கு சேவை செய்பவர்களிடம் குறை காண்பதையோ தவிர்த்து விடுங்கள். சேவை என்பது தியானத்தை விட சிறந்த ஆன்மிக சாதனை என்பதை அறிந்து கொள்ளுங்கள்; உங்களுக்குப் பக்கத்தில் ஒருவர் வேதனையில் இருக்கும்போது, அவரை நீங்கள் கனிவுடன் நடத்தாமல், அவருக்கு உதவ எந்த முயற்சியும் செய்யாமல் இருந்தால், இறைவன் நீங்கள் செய்யும் தியானத்தை எவ்வாறு பாராட்ட முடியும்? ஜபம் அல்லது தியானத்தின் மூலம் முக்தி அடையும் நோக்கத்திற்காக, உங்களையே நீங்கள் தனிமைப்படுத்திக் கொள்ளாதீர்கள். மக்களுடன் பழகும்போது உதவி செய்வதற்கான வாய்ப்புக்களைத் தேடுங்கள்; ஆனால், இறைவனுடைய திருநாமத்தை நாவிலும், அவனுடைய திருவுருவத்தை மனக்கண் முன்னும் கொண்டிருங்கள். அதுவே மிக உயர்ந்த ஆன்மிக சாதனையாகும். ‘தில் மே ராம்! ஹாத் மே காம்!’- இதயத்தில் இறைவன்! கரங்களில் பணி! இந்த உணர்வுடன் செயல்படுங்கள். உங்கள் மீது இறைவனுடைய அருள் பரிபூரணமாக பொழியப்படும்! (தெய்வீக அருளுரை, பிப்ரவரி 01, 1970)