அரட்டை அடிப்பதையும் பிதற்றிக்கொண்டு திரிவதையும் தவிர்ப்பதற்கு, பேச்சிற்குத் (வாக்கு) தீவிர பயிற்சி அளிக்கப்பட வேண்டும். நாவைக் கட்டுக்குள் வைத்திருங்கள்; உங்களுக்குப் பேசத் தோன்றுவதை எல்லாம் பேசாமல், பேச்சை வெகுவாகக் குறைத்து விடுங்கள். மௌனம் உங்களுடைய சக்தியை அதிகரிக்கும்; நீங்கள் இதை நீண்ட நேர தியானத்தின் மூலம் பெற முடியும். பரிசுத்தமான பிரேமை நிறைந்தவர்களாக இருங்கள்; பின்னர் உங்களுடைய வார்த்தைகள் ப்ரேமையைப் பரப்பும். அவை வேதனைப்படுபவர்களுக்கு அருமருந்தாக, இனிமையாக, இதமாக இருக்கும். ‘ஓம்’ என்பது அனைத்து உலகங்களிலும் இருக்கும் எல்லா ஒலிகளுக்கும் அடிப்படையாக விளங்குகிறது. ப்ரேமையை வளர்த்துக் கொள்வதற்கான மிகச்சிறந்த முறை நாமஸ்மரணையே. அல்லது, அதற்கும் மேலாக, உங்களுடைய நேரத்தை ப்ரணவோபாஸனையில் (ஓம்காரத்தை திரும்பத் திரும்பச் சொல்வது) செலவிடுங்கள். ‘ஓம்’ என்பது படைப்பின் தோற்றுவாய் ஆகும்; அதுவே மூலாதாரம், வாழ்வாதாரம் மற்றும் சக்தி ஆதாரம் ஆகும். அதுவே எல்லா உயிரினங்களின் பிராணன். எவ்வாறு ஹார்மோனியத்தின் கட்டைகளின் வழியாகச் செலுத்தப்படும் காற்று ச-ரி-க-ம-ப-த-நி என ஸப்தஸ்வரங்களாக வெளிப்படுகிறதோ, அதைப்போன்று, ‘ஓம்’ ஒன்றுதான் அனைத்து உலகங்களிலும் இருக்கும் எல்லா ஒலிகளுக்கும் அடிப்படையாகும். அதன் முக்கியத்துவத்தைத் தெரிந்து கொண்டு, அதை உச்சரிப்பதைக் கடைப்பிடியுங்கள். (தெய்வீக அருளுரை, நவம்பர் 23, 1966)