பாம்புப்புற்றோடு ஒப்பிடக்கூடிய உங்களுடைய இதயத்தில் கொடிய குணங்களைக் கொண்ட பல பாம்புகள் இருக்கின்றன. நீங்கள் நாமஸ்மரணை (இறைவனது திருநாமத்தை நினைவுகூறுதல்) செய்யும்போது, ‘பாம்புகள்’ அனைத்தும் வெளியே வந்து விடும். நாமஸ்மரணை என்பது, பாம்புகளை ஈர்த்து, அவற்றை புற்றுகளிலிருந்து வெளியே கொண்டு வரக்கூடிய நாகஸ்வரத்தைப் (மகுடி) போன்றது. இதுவே உங்கள் ஜீவன-ஸ்வரம் மற்றும் ப்ராண-ஸ்வரம் (உயிரும், மூச்சும்) ஆகும். தீய குணங்களை விட்டொழிப்பதற்கு, ஒருவர் இறைவனின் திருநாமத்தை திரும்பத் திரும்பச் சொல்லியே ஆக வேண்டும். இன்று, பலர் நாமஸ்மரணைக்கு எந்த முக்கியத்துவமும் அளிப்பதில்லை. இது மிகப்பெரிய தவறாகும். இறைவனுடைய மகிமையைப் பாடுவது என்பது மிகவும் புனிதம் வாய்ந்தது. இன்று, நாடு பல பிரச்சனைகளை எதிர்கொண்டுள்ளது, ஏனெனில் மக்கள் எவரும் நாமஸ்மரணை செய்வதில்லை. ஒவ்வொரு வீதியும் இறைவனுடைய தெய்வீக மகிமையால் எதிரொலிக்கட்டும். உங்களுடைய உடலின் ஒவ்வொரு உயிரணுவும் இறைவனுடைய தெய்வீகத் திருநாமத்தால் நிறைந்திருக்கட்டும். நாமஸ்மரணையிலிருந்து நீங்கள் பெறும் ஆனந்தம், தைரியம், வலிமை ஆகியவற்றை, வேறு எதுவும் உங்களுக்குத் தர முடியாது. (தெய்வீக அருளுரை, ஏப்ரல் 14, 2002)