மனிதகுலம் ஒற்றுமையில் தான் சந்தோஷத்தைப் பெற முடியும், வேற்றுமையில் அல்ல. எண்ணங்களும் உணர்வுகளும் வேறுபாடு மற்றும் பிரிவின் பாதைகளில் செல்லுமானால் மகிழ்ச்சி கைக்கு எட்டாததாகி விடும், தவிர சாந்தியை அனுபவிக்க முடியாது. சாந்தி இல்லையேல், உங்களுக்கு சந்தோஷமாக இருப்பதற்கான வாய்ப்பே இல்லை. பிரிக்கமுடியாத கடலை குறிக்கோளாக எடுத்துக்கொள்ளுங்கள். நதி பாயும் திசைக்கு என்ன முக்கியத்துவம் இருக்கிறது? அதன் பெயருக்கு என்ன முக்கியத்துவம் இருக்கிறது? அனைத்து நதிகளும் ஒரே கடலில்தான் இரண்டறக் கலக்கின்றன, இல்லையா? யோக மார்க்கம், பக்தி மார்க்கம் அல்லது சாந்தி, தர்மம், சத்யம் மற்றும் ப்ரேமை மார்க்கம் ஆகியவற்றைப் பின்பற்றிச் செல்லும் ஆன்மிக சாதகர்களும் பக்தர்களும், இறுதியாக இறையருள் எனும் கடலை அடைகின்றனர்; நாம ரூபங்கள் மறைந்து விடுகின்றன; வேறுபாடுகளும் மறைந்து விடுகின்றன. சாந்தி எனும் கடலில் இரண்டறக் கலக்கும் அருளை அவர்கள் பெறுகிறார்கள். எனவே, எப்போதும் ஒற்றுமையை நம் பார்வையில் வைத்திருக்க வேண்டும். வேற்றுமைகள், இறைவனின் தனித்தன்மையான நாம ரூபங்கள், மாறுபட்ட மார்க்கங்கள் ஆகியவற்றைப் பற்றிய கருத்துகளை ஒருபோதும் ஆதரித்து வளர்க்காதீர்கள். இப்படிப்பட்ட கருத்துகள் ஆனந்தத்தைப் பெறுவதற்கு தடைகளாக விளங்குகின்றன. இந்தத் தடைகளைத் தவிர்த்து, சமதிருஷ்டியை வளர்த்துக் கொள்ளுங்கள். (பிரசாந்தி வாஹினி, அத்தியாயம்-14)