பூரண பாதுகாப்பை வெல்வதற்கு முழுமையான பக்தியின் பாதையைப் பின்பற்றி இறைவனுக்கு தன்னை அர்ப்பணிக்க வேண்டும். பிற வழிகளில் இதைப் பெற முடியாது. ஞான மார்க்கம் என்பது கோடியில் ஒருவருக்கே சாத்தியமாகும்; அது எல்லோருக்கும் எட்டாதது. புலன்களுக்கு இவ்வளவு வெளிப்படையாக புலப்படும் உடல் மற்றும் பொருட்களாலான உலகை, “இது அல்ல, இது அல்ல (நேதி, நேதி)" என்று திரும்பத் திரும்பச் சொல்வதன் மூலம் மறுக்க முடியுமா? இது முடியவில்லை என்றால், “இது அல்ல, இது அல்ல” என்ற வாதத்தை எவ்வாறு பயன்படுத்த முடியும்? தற்போதைய சூழ்நிலையில் ஞானமார்க்கம் உண்மையிலேயே மிகவும் கடினமானது. தன்னலமற்ற கர்மாவின் பாதையும் அவ்வளவு சாத்தியமானதல்ல. அதுவும் கூட கஷ்டங்கள் நிறைந்ததே. முறையான உணர்வுடன் செயலாற்றுவதற்கு, ப்ரேமையும், பக்தியும் வெற்றிக்கு இன்றியமையாதவை. யோகத்தின் பாதையும் கூட தடைகள் நிறைந்ததே. எனவே, பக்தியின் பாதையே மிகவும் இதமானதும், வெற்றிக்கு மிகவும் உகந்ததும், அளவற்ற ஆனந்தத்தை அளிப்பதும் ஆகும்! (பிரசாந்தி வாஹினி, அத்தியாயம்-9)