இந்தியாவில் மட்டும் அல்லாமல், உலகின் பல பாகங்களிலும், மக்கள் யோகாப்யாசத்தைப் பற்றிய அறிவு மற்றும் அதைப் பயிலும் முறை ஆகியவற்றில் ஆர்வம் அடைந்து கொண்டு வருகிறார்கள். பல விதமான யோக முறைகள் இருந்தாலும், மிகவும் முக்கியத்துவமானது பதஞ்ஜலி யோகாவே. மனப்பாங்குகளை வரையறுத்துக் கட்டுப்படுத்துவதே யோகா என பதஞ்ஜலி வர்ணிக்கிறார். புலன்களைக் கட்டுப்படுத்தாமல், நாம் வாழ்க்கையின் எந்தத் துறையிலோ அல்லது எந்த முயற்சியிலோ மகிழ்ச்சி அடைய முடியாது. நாம் நமது புலன்களை தலை தெறிக்க விட்டுவிட்டால், துக்கமும், சந்தோஷமுமே விளையும். இன்று மனிதர்கள் அவர்களது புலன்களைக் கட்டுப்படுத்துவத்தைப் பற்றி முறையான கவனம் செலுத்துவதில்லை. சிலர் தங்களது புலன்களைக் கட்டுப்படுத்தினால் வாழ்க்கையின் சாரத்தையே இழந்து, தமக்குத் தாமே புலன்களின் இன்பத்தைத் தவிர்த்து விடுகிறோம் என்ற தவறான புரிதலில் இருக்கிறார்கள். இது தவறான கருத்தாகும். புலன்கள் அவைகளின் கடமையைச் செய்வதிலிருந்து நாம் தடுக்கிறோம் என்று நாம் நினைக்கக் கூடாது. இந்த செயல்முறையின் உண்மையான முக்கியத்துவம் என்னவென்றால், அவற்றை சரியான வழிகளில் இயக்கி ஒழுங்குபடுத்துகிறோம் என்பதே ஆகும். பின்னர் நாம் உண்மையான மனக்களிப்பையும், உண்மையான ஆத்ம சுகத்தையும் அனுபவித்து மகிழ முடியும்!