இந்த நாமமும், ரூபமும், புலன்களும், இந்த புத்தியும், இந்த மனமும் கொண்ட உடலே நீங்கள், என்ற பலஹீனத்தை விட்டொழிப்பதற்கான மிகச் சிறந்த வழி, அந்தத் தவறின் ஆணிவேரையே தாக்குவது தான். இவை அனைத்தும் நீங்கள் சுமந்து கொண்டு செல்லும் சாமான்களே. ‘’ எனது புத்தகம், எனது குடை‘’ என்று நீங்கள் சொல்வது போல,’’ எனது மூக்கு, எனது மனம், எனது கை, எனது புத்தி ‘’ என்று கூறுகிறீர்கள் அல்லவா? இவை அனைத்தும் ‘’ எனது ‘’ என்று சொல்லும், அந்த ‘’ நான் ‘’ யார்? அதுவே உண்மையான ‘’ நீங்கள்’’. அது, நீங்கள் பிறந்த போதும், அனைத்தையும், உங்கள் உடல் மற்றும் அதன் அக மற்றும் புற உபகரணங்களையும் கூட மறந்து நீங்கள் உறங்கிக் கொண்டு இருக்கும் போதும் கூட இருந்தது. அந்த ‘’ நானிற்கு ‘’ தீங்கிழைக்க முடியாது; அது மாறாதது, அது இறப்பையோ அல்லது பிறப்பையோ அறியாதது. இந்த சத்தியத்தை நீங்கள் உணருமாறு செய்யும் சாதனாவைக் கற்றுக் கொள்ளுங்கள்; நீங்கள் எப்போதும் சுதந்திரமாகவும், தைரியமுள்ளவர்களாகவும் ஆகி விடுவீர்கள். அதுவே உண்மையான வித்யா, முனிவர்கள் உங்களுக்காகச் சேர்த்து வைத்த ஆத்ம வித்யா. இந்த விலை மதிப்பற்ற செல்வத்திற்காகவே ஆயிரக் கணக்கானவர்கள் புட்டபர்த்திக்கு வருகிறார்கள்; நீங்களும் கூட, என்றாவது ஒரு நாள் இதைக் கற்றுக் கொண்டு, உங்களையே காப்பாற்றிக் கொள்ளுங்கள். ஞானத்தின் பாதையில் பயணித்து, அனைவரும் குறிக்கோளை அடைந்தே ஆக வேண்டும்.