இந்த உலகம் உண்மையானது மற்றும் நீங்கள் உடலே என்ற தவறான கருத்து உங்களுள் பல ஜன்மங்களாக, வெகு ஆழமாகப் பதிந்துள்ளது; அதை ஒரு சக்தி வாய்ந்த மருந்தை தொடர்ந்து அளிப்பதன் மூலம் மட்டுமே நீக்க முடியும்.’’ ராம், ராம், ராம்’’ (இறைவனது நாமஸ்மரணை) என்ற அந்த மருந்து விடாமல் விழுங்கப்பட்டு, ஜீரணிக்கப்பட வேண்டும். அதன் குணமளிக்கும் சாரம், ஒவ்வொரு அங்கம், ஒவ்வொரு புலனங்கம், ஒவ்வொரு நரம்பு மற்றும் ஒவ்வொரு துளி இரத்தத்தினுள்ளும் ஊடுருவிச் செல்லும். உங்களுள் உள்ள ஒவ்வொரு அணுவும் ஸ்ரீராமனாக மாற்றப்பட்டு விடும். நீங்கள் உலையில் உருகி, ஸ்ரீராமரின் அச்சில் ஊற்றப்பட்டு, ஸ்ரீராமராகவே ஆக வேண்டும். இதுவே உண்மையான ஞானத்தின், உண்மையான பக்தியின் பலனாகும்! எப்போது தொடர்ந்து ஒரு பரிசுத்தமான இதயத்துடன் ஜபிக்கப்பட்டு, மனதில் உட்கொள்ளப் படுகிறதோ, ராமா, கிருஷ்ணா அல்லது எந்த தெய்வ நாமத்தையும் ஜபிப்பதன் இந்தப் பலனை, யார் வேண்டுமானாலும் அனுபவிக்கலாம்! இறைவனது திருநாமம் மட்டுமே, உங்களை தற்பெருமைகளுக்கு இழுத்துச் செல்லும் புலன்களின் சஞ்சலங்கள் அனைத்தையும் கட்டுப்படுத்த உதவும்.