அநித்யமான மற்றும் பொய்யானவற்றிற்கு அடிமையாகி, பொன்னான நேரத்தை அவற்றைத் தேடுவதில் வீணடிக்காமல்,ஒவ்வொரு நிமிடத்தையும் சத்தியத்தைக் கண்டு பிடிப்பதற்கும், நிரந்தரமான, நித்ய சத்யமான இறைவனை தியானிப்பதற்கும், அர்ப்பணியுங்கள். உலக ஆடம்பரங்களின் விஷ ஈர்ப்புகளுக்கோ அல்லது கவர்ச்சியான அழகின் சூழ்ச்சிகளுக்கோ ஒருவர் பலியாகி விடக்கூடாது.ஒருநாள், கனவில் விவரிக்கப் படும் ஒரு கதையைப் போல, இந்த அனைத்து மனதை மயக்கும் காட்சிகளும் மறைந்து விடும் ! ஒவ்வொரு நிமிடமும் மாறிக் கொண்டு, தோன்றியும், மறைந்தும் என வளர்ந்தும், குறைந்தும் கொண்டு இருக்கும் பொருட்களாலான இந்த உலகை நித்ய சத்யம் என நாம் எவ்வாறு கூற முடியும்? இந்த பொய்மையான உலகில், உண்மையான வாழ்க்கை (சத்ய ஆசார) என்று எதுவுமே இல்லை. பொய்மையான வாழ்க்கை (மித்ய ஆசார) மட்டுமே இருக்க முடியும். உண்மையாக வாழ்வது என்பது இறைவனை உணருவதில் தான் இருக்கிறது. இதை ஒவ்வொருவரும், அவர்களது வாழும் ஒவ்வொரு தருணத்திலும், மனதில் கொண்டு இருக்க வேண்டும்.