இறைநாமஸ்ரணை செய்வதால், உங்களுக்குக் கிடைக்கும் அந்த நாமமே, பரமாத்மாவின் (சைதன்யா) அனைத்து சாரத்தின் ஊற்றாகும்; அதுவே உயிரூட்டும் அமிருதமும் ஆகும்; அதுவே ஆதார சக்தியின் ஊற்றும் ஆகும். இறை நாமத்தை உச்சரியுங்கள்; அப்படி அழைக்கப் பட்டவர் உங்கள் முன் தோன்றுவார்; அந்த நாமத்தை உருவகப் படுத்துங்கள், அந்த நாமம் உங்கள் உதடுகளில் பாய்ந்தோடி வரும். இறை நாமமும், இறை ரூபமும், ஒரே நாணயத்தின் இரண்டு பக்கங்களாகும். சிலர் இறைவனது திருநாமத்தை லக்ஷக்கணக்கில் எழுதுவதாக விரதம் எடுத்துக் கொள்வார்கள்; ஆனால் அது பெரும்பாலும் விரல்கள் மற்றும் பேனா சம்பந்தப் பட்டதாக மட்டுமே இருக்கும். மனம் அந்தத் திருநாமத்திலிருந்து விலகிச் செல்லக் கூடாது. அந்த நாமம் சுட்டிக் காட்டும் இனிமையில் அது திளைத்திருக்க வேண்டும்; அது நினைவு கூறும் ரூபத்தின் அழகையும், அது பரப்பும் நறுமணத்தையும் அது தியானிக்க வேண்டும். எழுதுபவரின் நடத்தை, இறைவனது ஒரு சேவகனுக்கு ஏற்றதாக இருந்து, மற்றவர்கள் அதனால் உத்வேகம் அடைந்து, எழுதுபவரின் அனுபவத்தினால், அவர்களது நம்பிக்கை புத்துணர்வு பெற வேண்டும்.