இறைவனது திருநாமத்தின் சக்திக்கு ஈடு இணையே இல்லை. மக்கள் அதை மிகவும் சாதாரணமாக எடுத்துக் கொள்கிறார்கள். அவர்கள் பளபளக்கும் கண்ணாடித் துண்டை வைரம் எனத் தவறாக எடுத்துக் கொள்கிறார்கள். உண்மையான வைரம் மிகவும் வித்தியாசமானது ! அந்த ‘’ உண்மையான வைரம் ( DIAMOND )” என்பது எது ? ‘’ DIE MIND “( மனம் மரணமடைவதே )- இறைவனது திருநாமமே உண்மையான வைரம் ஆகும் ! எனவே, அதைப் பத்திரமாகவும், பாதுகாப்பாகவும் வைத்துக் கொண்டு, இறைவனது பொற்பாத கமலங்களில் சரணடையுங்கள். அகண்ட பஜனையில் பங்கேற்கும் நீங்கள் அதிருஷ்ட சாலிகள். இது ஒரு மகத்தான வாய்ப்பு.பஜனைகளில் பங்கேற்கும் வாய்ப்பினை ஒருபோதும் நழுவ விடாதீர்கள். நீங்கள் அதை மாத்திரம் நல்ல முறையில் பயன்படுத்திக் கொண்டால், உங்கள் வாழ்க்கை புனிதமாகி விடும். ஒரு முறை நீங்கள் இறைவனிடம் சரணடைந்து விட்டால், அதை ஒரு போதும் விட்டு விடாதீர்கள். நீங்கள் எங்கு சென்றாலும் இறைவனது திருப்பாதங்கள் உங்களைக் காக்கும்! இறைவனது திருநாமத்தை இதயத்தில் உறுதியாகப் பிரதிஷ்டை செய்து விடுங்கள்; உங்கள் வாழ்க்கை புனிதமாகி விடும். அதுவே பக்தி. அதுவே உங்களின் சக்தி. அதுவே முக்தியும் கூட. அகில உலக அகண்ட பஜன் ஒவ்வொரு வருடமும் உங்களுக்கு இதை நினைவூட்டி, இந்த உணர்வை மீண்டும் தூண்டி விடுவதற்காக நடத்தப் படுகிறது.