மஹாசக்தியை, சண்டி, துர்க்கா மற்றும் காளியாகக் கொண்டு, தானவத்துவத்தின் ( அசுரர்கள் ) மீது தெய்வத்துவம் ( தெய்வீகம்) பெற்ற வெற்றியின் நினைவாகக் கொண்டாடப் படுவதே நவராத்ரியாகும். நரகத்தின் சக்திகளின் மீது ஸ்வர்கத்தின் சக்திகள் பெற்ற வெற்றி,ஸ்ரீகிருஷ்ண -சத்யபாமா நரகாசுரன் மீது பெற்ற வெற்றி குறிப்பிடும் தீய குணங்கள் மீது நல்லொழுக்கம் பெற்ற வெற்றி , மேல் நோக்கி ஸ்வர்கத்திற்குள் இழுக்கப் படுவது மற்றும் கீழ் நோக்கி நரகத்தில் தள்ளப் படுவது ஆகியவற்றின் ஞாபகார்த்தமே தீபாவளியாகும். பொய்மையின் சக்திகளை, சத்தியம் அல்லது உண்மை எப்போதும் தோற்கடிக்கும். பகவான் நரகாசுரனை அழிப்பதில் சத்யபாமா ஒரு கருவியாக இருந்ததன் உட்கருத்து இதுவே. எப்போது நரகாசுரன் அழிக்கப் பட்டானோ, அதாவது, எப்போது மனிதர்களை ஒரு வீழ்ச்சிக்கு இழுத்துச் செல்லும் அவர்களின் ஆறு எதிரிகள் ( காம, க்ரோத, லோப, மோஹ, மத, மாத்ஸர்யம் ) வெல்லப் படுகிறார்களோ. அப்போது தான் ஞானம் எனும் ஜோதி தெளிவாகவும், பிரகாசமாகவும், எழிலாகவும் ஒளி வீசும். இந்த சத்தியத்தை எடுத்துக் காட்டுவதற்காகவே, தீபாவளி தினத்தன்று, தீமை மற்றும் துர்குணங்களின் இருப்பிடமான இருளை நீக்கும் தீபங்கள் அல்லது விளக்குகள் ஏற்றப் பட்டு, ஒவ்வொரு இல்லத்திலும் வரிசையாக வைக்கப் படுகின்றன.