பஜனைகள் எப்போதும் ஆனந்தத்தையும்,சாந்தியையும் அளிக்கின்றன. அடிக்கடி நடப்பதைப் போல, அது உங்களது அஹங்காரம், அல்லது பரஸ்பர குறை கூறுதல் அல்லது பொறாமை அல்லது தற்பெருமை ஆகியவற்றை அதிகரிப்பதற்கு பயன்படுத்தாமல் இருக்குமாறு பார்த்துக் கொள்ளுங்கள். பணிவாகவும், அமைதியாகவும், சகிப்புத் தன்மை கொண்டவர்களாகவும் இருங்கள். அனைவருடனும் ஒத்துழைத்து, ஒவ்வொருவரையும் மரியாதையுடனும், பரிவுடனும் நடத்துங்கள். பக்தி என்பது, வியாழக்கிழமை மாலைகளில், நீங்கள் பஜனைக்காகக் கூடும்போது அணிந்து கொண்டு, பஜனை முடிந்தவுடன் கழட்டி ஓரத்தில் வைத்து விடும் ஒரு சீருடை போன்றதல்ல. ஒரு பணிவு மனப்பாங்கு மற்றும் பெற்றோர்கள்,ஆசிரியர்கள், பெரியவர்கள் மற்றும் பிறரை மதிக்கும் மனப்பாங்கு ஆகியவற்றைப் பேணும் பொருள் கொண்டதாக அது இருக்க வேண்டும்; அது ஒரு மனக்கண்ணோட்டம், நிரந்தரமான ஒரு மனப்பாங்காகும். உணவு எவ்வாறு உடலுக்கான வாழ்வாதாரமோ, அவ்வாறே இது இதயத்திற்கான வாழ்வாதாரமாகும். எவ்வாறு திசைகாட்டியின் முள் எப்போதும் வட திசையைக் காட்டிக் கொண்டும், அந்தத் திசையிலிருந்து ஒருபோதும் பிறழாமலும், அந்தக் கோட்டிலிருந்து அசைக்கப் பட்டால், உடனேயும், விரும்பியும், விரைவாகவும் ,அதற்குத் திரும்பி வந்து கொண்டும் இருக்கிறதோ, அவ்வாறே ஒரு பக்தன் எப்போதும் இறைவனையே எதிர் நோக்கியும், அவன் மீது மனக்குவிப்பு கொள்ளும் போது மட்டுமே மனம் மகிழ்ந்தும் இருத்தல் வேண்டும்.

உடல், உங்களுக்குக் கொடுக்கப் பட்டுள்ள ஒரு வாடகை வீடு போன்றதாகும்.எவ்வளவு காலம் அதில் இருக்க வேண்டும் என இறைவன் ஸங்கல்பிக்கிறானோ, அவ்வளவு காலம், அவனுக்கு நன்றி கூறியும்,நம்பிக்கை மற்றும் பக்தி எனும் வாடகையை அவனுக்குச் செலுத்தியும் அங்கு வாழுங்கள்- பாபா