போற்றுதலும், தூற்றுதலும், உள்ளார்ந்த மனப்பாங்கின் பிரதிபலிப்புக்களே. ஒரு சீலமுள்ள மனிதன் ஒருபோதும் பிறரை விமர்சிக்க மாட்டான்; கீழ்த்தரமானவர்களே இப்படிப் பட்ட புனிதமற்ற செயல்களில் ஈடுபடுவார்கள். நீங்கள் காணும் நிறம், நீங்கள் அணிந்திருக்கும் கண்ணாடியின் நிறத்தைப் பொறுத்தே இருக்கும். ப்ரேமையின் கண்ணாடிகளை அணிந்து கொள்ளுங்கள்; நீங்கள் உங்களைச் சுற்றி எல்லா இடத்திலும் ப்ரேமையையே காண்பீர்கள். நிந்தனைக்கு முக்கியத்துவம் அளிக்காதீர்கள். யாராவது உங்களை உரக்க நிந்தித்தால், அது காற்றோடு போய் விடும். அவர்கள் மௌனமாக நிந்தித்தால், அது அவர்களுக்கே போய் சேர்ந்து விடும். அவர்கள் உங்கள் உடலை நிந்திக்கிறார்களா? உடல், அசலமானது. அவர்கள் ஆத்மாவை நிந்திக்கிறார்களா? அப்படி என்றால், அதே ஆத்மா தான் இருவருள்ளும் உறைகிறது; எனவே, அது அவர்கள் தங்களையே நிந்தித்துக் கொள்வது போலாகும்! சத்தியத்தை உண்மையிலேயே நாடும் ஒருவர் இந்த உண்மையை உணர்ந்திருப்பார்! உங்களுள்ளேயே இருக்கும் நூறு குறைகளை அறிந்து கொள்ள, நேரம் எடுத்துக் கொள்ளுங்கள். அதற்கு பதிலாக, பிறரிடம் உள்ள அற்பமான குறைகளைச் சுட்டிக் காட்ட ஏன் விழைகிறீர்கள் ? உங்களிடம் உள்ள தீமையே, பிறரிடம் உள்ள தீமையாக பிரதிபலிக்கிறது. முதலில் உங்களைத் திருத்திக் கொள்வரைத் தேர்ந்தெடுங்கள்! அதன் பிறகே உங்கள் மனம் பரிசுத்தமாகும். எனவே, எப்போதும் புனிதமான சிந்தனைகளையே அபிவிருத்தி செய்து கொள்ளுங்கள் !