நதியின் நீர் அழுக்காக இருக்கலாம்; ஆனால், அதை, இறைவனைப் போற்றும் ஒரு மந்திரம் அல்லது ஸ்லோகத்தைத் தனது உதடுகளில் வைத்துக் கொண்டு உறிஞ்சும் ஒரு பக்தன், அதனைப் புனிதமானதாக மாற்றி விடுகிறான். உடல், பயிற்சி மற்றும் உழைப்பால் ஆரோக்யமானதாகிறது; முறையான, நன்றாக திட்டமிடப்பட்ட கட்டுப்பாடுடன்,ஆனந்தமாக ஏற்றுக் கொண்டு செய்யப்படும் இறை நாமஸ்மரணை மற்றும் பக்தி சிரத்தையுடன் கூடிய தியானத்தின் மூலம் , மனம் ஆரோக்யமானதாகிறது. அஹிம்சையே அரிசி,அற்பணிப்பே பருப்பு, பச்சாதாபமே திராட்சை, தவறுக்கு வருந்துதலே வெல்லம், இவை அனைத்தையும் நன்றாக நல்லொழுக்கம் என்ற நெய்யுடன் கலந்து விடுங்கள். நீங்கள் , உங்கள் இஷ்ட தெய்வத்திற்கு அர்ப்பணிக்க வேண்டிய பிரசாதம் அது தானே அன்றி , நீங்கள் கடைகளிலிருந்து ஒரு காசு கொடுத்து வாங்கிய பொருட்களால் சமைக்கும் அற்பமான பதார்த்தம் அல்ல ! கோபிகைகள், பகவானது இதயத்திற்குச் செல்லக் கூடிய இந்த ரகசியப் பாதையை அறிந்திருந்தார்கள்; அதனால் தான் அவர்கள் இறைவனை துரிதமாகவும், விரைவாகவும் உணர்ந்தார்கள்.