ஒவ்வொருவரும் இன்று, சுக, சௌகரியங்களையே நாடுகிறார்கள்; அது ஒன்றே தான் அனைத்து முயற்சிகளிலும் மிகவும் முக்கியமானதாக ஆகி விட்டது. நீங்கள் ஒருவரிடம், எதை வேண்டுமானாலும், எவ்வளவு வேண்டுமானாலும் தின்னலாம் என்று சொன்னால், அவர் களிப்படைகிறார்; அதன் விளைவாக ஏதாவது ஒரு வியாதி வரும் என்று நீங்கள் அதனுடன் கூடவே கூறினால், உங்களை அவர் ஒரு எதிரி போலக் கருதுவார். எந்தப் பத்தியம் அல்லது கட்டுப்பாடும் ஒருபோதும் ஜனரஞ்சகமானதல்ல. ஆனால், கட்டுப்பாடு மற்றும் விதிமுறைகளின் மூலம் தான் சக்தி கிடைக்கிறது. கஷ்டங்களை ஏற்றுக் கொள்வதன் மூலமே நீங்கள் வலிமை மற்றும் தாங்கும் சக்தி உள்ளவர்களாக ஆகிறீர்கள். போராடுங்கள், வெற்றி பெறுவதற்கான சக்தியை நீங்கள் பெறுவீர்கள். கண்ணுக்குப் புலப்படாதவற்றில், கண்ணுக்குத் தெரிவதன் ஆதாரத்தைத் தேடுங்கள். உயர்ந்த அடுக்கு மாடிக் கட்டிடம், பூமிக்குள் ஆழமாக உள்ள ஒரு அஸ்திவாரத்தைக் கொண்டுள்ளது. இந்த உலகம், கண்ணுக்குப் புலப்படாத, பரமாத்மாவை ஆதாரமாகக் கொண்டுள்ளது. உங்கள் உடல், அதன் மூலம், நீங்கள் தேடி, ஆராய்ந்து, அந்த ஆதாரத்தைக் கண்டு பிடிக்க உதவும் ஒரு வாகனமே அன்றி வேறில்லை !