கர்மாவிற்கும், கர்மயோகத்திற்கும் உள்ள சம்பந்தத்தை சரியாகப் புரிந்து கொள்ள வேண்டும். பற்றுதல் அல்லது ஆசைகளோடு ஆற்றப் படுகின்ற சாதாரண கர்மா, பந்தத்தை உண்டாக்குகிறது. ஆனால், அதே கர்மா, ஆசைகள் இன்றியும், தன்னலமற்றும் ஆற்றப்படும் போது, கர்ம யோகமாகிறது. நம்முடைய வாழ்க்கை ஒரு யோகமாக ( தெய்வீகத்துடன் இணைவது) இருக்க வேண்டுமே அன்றி, ஒரு ரோகமாக ( வியாதியாக ) ஆகக் கூடாது. இந்நாளில், நமது பெரும்பாலான செயல்கள், அவை புலனின்பங்களோடு சம்பந்தப் பட்டு இருப்பதால், ரோகத்தில் தான் முடிகின்றன. ஆன்மீகப் பாதையைப் பின்பற்றுவதன் மூலம் இந்த வியாதியிலிருந்து விடுதலை பெறலாம். ஆன்மீகப் பாதை என்பது வெறும் பஜன்களைப் பாடுவது அல்லது மந்திரங்களை ஜபிப்பது என்பதில் மட்டும் இல்லை. இவை நற்செயல்களே. தெய்வத்திற்கு ஒரு பரிபூரணமான அர்ப்பண உணர்வோடு ஆற்றப் படும் செயல்களை மட்டுமே ஆன்மீகமானவை எனக் கருதலாம். ஆத்மாவைப் பற்றி அறியாத நிலையில் இருக்கும் ஒருவர், இன்னும் மலராத ஒரு மலரின் மொட்டு போன்றவர்.அந்த மலர் மலரும்போது, தன்னைச் சுற்றி எல்லா இடத்திலும், தன் நறுமணத்தைப் பரப்புகிறது. அதைப் போலவே, தன்னுள்ளேயே தெய்வீகத்தை உணர்ந்த ஒருவர், ஞான ஜோதி மற்றும் வலிமையின் ஒரு மூலாதாரமாக ஆகி விடுகிறார் !