தெய்வீகத்தின் திருவுருவங்களே! பல தரப்பட்ட மனிதர்கள், இன்று, வெவ்வேறு விதமான ஆன்மீக சாதனைகளைப் பின்பற்றுகிறார்கள்.இந்த சாதனையின் பலன்களைப் பெற, அவர்கள் ஆசிரமங்களுக்குச் சென்று, பெரியவர்களைப் போற்றி, வழிபடுகிறார்கள்.அவர்களுக்குள் அஹங்காரம் இருக்கும் வரை, இந்த பயிற்சிகள் எல்லாம் பயனற்றவையே.எனவே, உங்களது உண்மையான மனித இயல்பை உணருவதற்கு, அஹங்காரத்தை அடக்கி, தனக்கு மட்டுமே சொந்தம் என்ற உணர்வை குழி தோண்டிப் புதைத்து,ஆத்மாவுடனான பற்றுதலை அபிவிருத்தி செய்து கொள்ளுங்கள். சாய் நிறுவனங்களில், பிரதான தேவை ஒற்றுமையும், பரஸ்பர நம்பிக்கையுமே. ஒற்றுமையினால் மட்டுமே நீங்கள் உலக நலனை ஊக்குவிக்க முடியும்.நிறுவனத்திற்குள்ளேயே இணக்கமின்மை இருந்தால், நீங்கள் பிறருக்கு எவ்வாறு சேவை ஆற்ற முடியும்?இந்நாளில், பொறாமை, த்வேஷம் மற்றும் கோபம் ஆகியவை மனிதர்களிடையே பேரழிவை ஏற்படுத்திக் கொண்டு இருக்கின்றன.முதன் முதலில் உங்களது அஹங்காரத்தை அழித்து விடுங்கள், பின்னர் கோபம் தணிந்து விடும்.கோபம் என்பது, பாவத்திற்கு ஊதுவத்தி ஏற்றி வைப்பது போன்றது என வர்ணிக்கப் படுகிறது. பொறுமையை உங்களது ஆபரணமாக ஆக்கிக் கொள்ளுங்கள். ப்ரேமையின் மூலம், உங்களது தீய இயல்புகளை அகற்றி விடுங்கள்.உங்களது அஹங்காரத்தை முன் நிறுத்தாமல், உங்களது கடமைகளை ஆற்றுங்கள். பரஸ்பர உதவியை வளர்த்துக் கொள்ளுங்கள்.ஒருவருக்கு ஒருவர் நட்புணர்வுடன் இருந்து, உங்களது பணிகளை, சாந்தி, சந்தோஷத்துடன் ஆற்றுங்கள்.