உங்களது உடல் ஆரோக்யத்தில் கவனமாக இருங்கள்.இயற்கையின் தேவைகளை பூர்த்தி செய்யுங்கள்; காருக்கு, அதற்குத் தேவையான பெட்ரோலை அளிக்க வேண்டும். இல்லை என்றால், முழுச் சோர்வினால், உங்கள் தலை சுற்றி, பார்வை கலங்கி விடக் கூடும். ஒரு பலஹீனமான உடலில் இறைவனைப் பற்றிய சிந்தனைகள் எவ்வாறு நிலை கொள்ள முடியும் ? உடலைப் பேணும் போது, இந்த உடலின் குறிக்கோளை மட்டும் மறந்து விடக் கூடாது. சாலையைப் பதன் படுத்தும் வாகனமான ஒரு ரோட் ரோலருக்கு,எண்ணெய், நிலக்கரி மற்றும் பல விதமான எரிபொருட்கள் அளிக்கப் படுகின்றன. அது ஏன் நல்ல நிலைமையில் வைத்திருக்கப் படுகிறது ? பாதையை சீர்படுத்துவதற்குத் தான் இல்லையா? அதைப் போலவே, இந்த பிறப்பு , இறப்பு என்ற சுழற்சியின் முடிவை உணர்வதற்காகத் தான் நீங்கள் உடலை ஏற்று வந்துள்ளீர்கள் என்பதை நினைவில் கொள்ளுங்கள். அதற்காக, இந்த உடலை ஒரு கருவியாகப் பயன்படுத்துங்கள். இங்கும், அங்கும் பறந்து , திரிந்து, மேலும் மேலும் உயர்ந்து சென்றாலும், ஒரு பறவை இறுதியாக ஒரு கிளையில், ஓய்வு எடுப்பதற்கு அமரத் தான் வேண்டும். அதைப் போல, மிகப் பெரிய பணக்காரர் மற்றும் தலை சிறந்த வல்லமை படைத்தவர் கூட ஓய்வையும், சாந்தியையுமே நாடுகின்றனர். சாந்தியை , ஆத்ம சத்தியம் என்ற ஒரே கடையிலிருந்து தான் பெற முடியும்.