ஒரு விவசாயி பயிரை வளர்க்க வேண்டும் என விரும்பினால்,அவரது நிலத்திலிருந்து அனைத்து களைகளையும் நீக்க வேண்டும்.எல்லா விதமான களைகளும், பயிருக்கு கெடுதலேயே விளைவிக்கின்றன. எனவே, களை எடுப்பது, ஒரு நல்ல மகசூலைப் பெறுவதற்கு அத்தியாவசியமான ஒரு முன் நிபந்தனையாகும். அதைப் போலவே, ஆத்மானந்தத்தை உணர ஆவலாக இருக்கும் ஒரு ஆன்மீக சாதகர், தனது இதயத்திலிருந்து ரஜோ மற்றும் தமோ குணங்களின் வெளிப்பாடுகளான, காம, க்ரோத, லோப, மோஹ, மத, மாத்ஸர்யங்களை நீக்க வேண்டும். மனிதனின் இந்த ஆறு விதமான விரோதிகள், ரஜோ மற்றும் தமோ குணங்களின் பிள்ளைகளே. இந்த களைகள் இருக்கும் வரை, எவரும் ஆத்மானந்தத்தை அனுபவிக்க இயலாது. உலகனைத்தும் முக்குணங்களின் ஒரு வெளிப்பாடே. இந்த மூன்றிலும், ரஜோ மற்றும் தமோ குணங்களே, அனைத்து துன்பம், துயரம், சோகம் மற்றும் பிரச்சனைகளுக்கு மூலாதாரமாகும். தூக்கம், மயக்கம்,பயம்,கோபம், சோம்பேறித்தனம் மற்றும் சும்மா இருத்தல் ஆகியவை தமோ குணத்தின் ஆறு பண்புகளாகும். எனவே தான் பகவான் ஸ்ரீகிருஷ்ணர்,அர்ஜூனனை, ரஜோ மற்றும் தமோ குணங்களை, அவரது இதயத்திலிருந்து நீக்கி விடுமாறு கூறினார்.