நாம் பசியோடு இருக்கும் போது, அந்தப் பசியைத் தீர்ப்பதற்கு உணவு அருந்துகிறோம் ! வாயில் உள்ள உணவு,, வயிற்றிற்குச் சென்று, ஜீரணமாகி, உடலுக்குச் சக்தியும், போஷாக்கும் அளிப்பதற்கு, சுமார் இரண்டு மணி நேரம் பிடிக்கிறது. அதைப் போலவே, கர்மாக்களுக்கும் ,அவற்றின் பலன்களுக்கும் இடையில், ஒரு கால இடைவெளி இருக்கக் கூடும்.ஒரு விதை, அதை நீங்கள் விதைத்த உடனேயே ஒரு மரமாக ஆவதில்லை. அந்த விதை முதலில் முளைத்து, செடியாக ஆகி, பின்னர் ஒரு மரமாக ஒரு காலத்தில் வளருகிறது. மரமனைத்தும் அந்த ஒரு சிறிய விதையினுள் இருக்கிறது. நீங்கள் விதையை மட்டுமே பார்க்கிறீர்களே அன்றி, அதில் மறைந்திருக்கும் மரம் முழுவதையும் அல்ல. அதைப் போலவே, உங்களது எதிர்காலம், தற்காலத்தில் நீங்கள் செய்யும் கர்மாக்களில் தான் பொதிந்திருக்கிறது என்பதை நினைவில் வைத்துக் கொள்ளுங்கள். நீங்கள், உங்களது எதிர் காலத்தைக் கற்பனை செய்து கொண்டு, அதற்காகக் காத்திருக்கிறீர்கள். நீங்கள் அப்படிக் காத்திருக்கத் தேவையில்லை; ஏனெனில், உங்களது எதிர்காலம், உங்களது நிகழ்காலத்தில் தான் இருக்கிறது ! உங்களது தற்போதைய சிந்தனைகள், சொற்கள் மற்றும் செயல்களே , உங்களது எதிர் காலத்தை முடிவு செய்கின்றன. எனவே, உங்களது நிகழ்காலத்தைப் புனிதமானதாகவும், சீரியதாகவும், அர்த்தமுள்ளதாகவும் ஆக்கிக் கொள்ளுங்கள்.