இரும்பு இருக்கிறது; காந்தமும் இருக்கிறது.காந்தம், இரும்பைத் தன்பால் ஈர்க்கிறது ; அதுவே அவை இரண்டின் விதியாகும். ஆனால், இரும்பில் துருப் பிடித்து இருந்தால், காந்தத்தின் சக்தி, இரும்பைத் தன் அருகில் ஈர்ப்பதற்குப் போதுமானதாக இருக்காது. புலனின்பங்களுக்கான பேராசை கண்டிப்பாகத் துரு போலவே வேலை செய்யும் ! அது, துருவை உருவாக்கும், தூசியைப் போலவே பணியாற்றும்; அந்தத் துரு இறுதியில், இரும்பையே உடைக்கச் செய்து, அதன் உள்ளார்ந்த தன்மையையே மாற்றி விடும். எனவே, இரும்பை அவ்வப்போது பரிசோதித்து, தூசியை நீக்க வேண்டும். பின்னர், அது காந்தத்தை நெருங்கும் போது, அதுவும் கூட காந்தத் தன்மையைப் பெற்று, இறுதியாக, தனது தேடுதலில் இருந்து ஓய்வு பெறும். அந்த சாதனையே, இரும்பு மற்றும் காந்தம் என்ற இரண்டிற்கும் மிகச் சிறந்ததாகும். ஸத்ஸங்கம் மற்றும், புனித நூல்களிலிருந்து ஒருவர் புரிந்து கொண்ட நன்னடத்தையின் கோட்பாடுகளைக் கடைப்பிடிப்பதன் மூலம், புலனின்பப் பேராசை எனும் தூசியைத் தடுக்க முடியும் !