நிஜ வாழ்க்கையில் அதைக் கடைப்பிடித்து, அதன் பண்புகளைத் தானே புரிந்து கொண்டு, அதிலிருந்து சாந்தி, சந்தோஷங்களை அடைந்தவர்களிடமிருந்து, அவற்றை மற்றவர்களுக்குத் தெரியப் படுத்துவதன் மூலம் , பாரதீய கலாசாரத்தின் ஏற்புடைமை சோதித்துப் பார்க்கப்படட்டும். அதிலிருந்து, தாங்களே குணமடையாதவர்களால், ஒரு மருந்து பாராட்டப் படுவது எனக்கு ஏற்புடையதல்ல. இன்று, இந்த கலாசாரம் வளர்ந்து, தழைத்தோங்கிய அதே பூமியில், ஒழுக்கக் கேடும், ஊழலும், சந்தோஷம் மற்றும் திருப்தியை அழித்து விட்டன. பலர் இவற்றைக் கண்டனம் செய்கிறார்கள்; ஆனால், அவர்கள் கண்டனம் செய்யும் அதே தவறுகளை இழைப்பவர்களும் அவர்களே. பாரத வரலாற்றில், தலை சிறந்த இயக்கங்களும், சாம்ராஜ்யங்களும், அரசியல் அல்லது பொருளாதார நோக்கங்களால் அன்றி, ஆன்மீக நீரோட்டங்களால் தான் உந்தப்பட்டன என்பதை நீங்கள் கவனித்திருப்பீர்கள்.பாரதீய கலாசாரத்தின் அடிப்படை தத்துவங்களை வளர்த்து, சீரமைப்பதன் தேவைக்கு உதவுமாறு, நீங்கள் அரசியலை ஆக்க வேண்டும்.