இந்நாளில், பெண்கள் பையிலும், ஆண்களின் பாக்கெட்டிலும் ஒரு கண்ணாடியும், ஒரு சீப்பும் பொதுவாக இருக்கின்றன.உங்கள் தலைமுடி சிறிது கலைந்திருந்தாலோ அல்லது உங்கள் முகத்தில் பவுடர் திட்டு திட்டாகத் தெரிந்தாலோ, உங்களது அழகு பாதிக்கப் பட்டு விட்டது என்று நீங்கள் பயப்படுகிறீர்கள் ; எனவே, அந்த அபிப்பிராயத்தைச் சரிசெய்ய உடனே முற்படுகிறீர்கள். வெகு விரைவாகக் கெட்டு விடும் இந்த தனிப்பட்ட அழகிற்கே நீங்கள் இவ்வளவு அக்கறை காட்டும் போது, உங்கள் மனம் மற்றும் இதயங்களை அசுத்தமாக்கும் பொறாமை மற்றும் த்வேஷம் எனும் தூசியையும், திட்டு, திட்டாக இருக்கும் வன்மம் மற்றும் குரோதத்தையும் பற்றி, நீங்கள் இன்னும் எவ்வளவு அதிக அக்கறை எடுத்துக் கொள்ள வேண்டும்? இதற்காகவும் கூட ஒரு கண்ணாடி மற்றும் சீப்பை வைத்துக் கொள்ளுங்கள் ! அவை தூய்மையாகவும், தெளிவாகவும் இருக்கின்றனவா என்பதைக் கணிக்க பக்தி எனும் கண்ணாடியைப் பயன்படுத்துங்கள். பகுத்தறிவின் மூலம் பெற்ற ஞானம் எனும் சீப்பு, பிரச்சனைகளைச் சரி செய்து, சிக்கல்களை நீக்கி, எல்லாத் திசைகளிலும் தறிகெட்டுச் சிதறி இருக்கும் உங்களது உணர்ச்சிகள் மற்றும் உணர்வுகளை, சரியான வழிகளில் இட்டுச் செல்லும். நீங்கள் எதைச் செய்தாலும், எங்கிருந்தாலும், நான் உங்களுடனும், உங்களுள்ளும் இருக்கிறேன் என்பதை நினைவில் கொள்ளுங்கள். அதுவே உங்களை வன்மம் மற்றும் தவறுகளிலிருந்து காப்பாற்றும்.