வாழ்க்கை, பிரச்சனைகள் நிறைந்ததாகவே இருக்கிறது. அவை ,ஒரு முடிவே இல்லாத ஊர்வலம் போல வந்து கொண்டு இருப்பதைப் போலத் தோன்றுகிறது அல்லவா? நீங்கள் இறைவனை ஆராதிக்கும் போது, அவன் மீது பரிபூரண நம்பிக்கை வைப்பதை உறுதி செய்து கொள்ளுங்கள். நம்பிக்கை இல்லை எனில், ஆராதனையினால் என்ன பயன்? நம்பிக்கை மட்டுமே உங்களை, கவலைக்கு அப்பால் இட்டுச் செல்லும். நமக்கு எதுதான் கவலை ஏற்படுத்தாமல் இருக்கிறது? பிறப்பு ஒரு கவலை, அதைப் போல இருப்பதே ஒரு கவலை; குடும்ப வாழ்க்கை ஒரு கவலை, இறப்பும் ஒரு கவலை, குழந்தைப் பருவம் ஒரு கவலை, முதுமையும் அதைப் போல ஒரு கவலையே, வாழ்க்கை ஒரு கவலை,வேலை செய்வது ஒரு கவலை, துன்பம் ஒரு கவலை, இன்பமும் கூட கவலையை ஏற்படுத்துகிறது, இத்யாதி இத்யாதி. கவலை, கவலை , கவலை எப்போதும் கவலை! இந்த உலகில் கஷ்டங்கள் கண்டிப்பாக வரும்; ஆனால், நீங்கள் அவைகளிலிருந்து மேல் எழக் கற்றுக் கொள்ள வேண்டும்; இது சகிப்புத் தன்மையினால் மட்டுமே சாத்தியமாகும். துன்பங்களை, ‘’ வா நண்பா வா! நீ தான் சந்தோஷங்களைக் கொண்டு வருபவன் ‘’ என புன்முறுவலோடு அழையுங்கள். நீங்கள் சகிப்புத் தன்மையால் நிறைந்திருந்தால், நீங்கள் ஆனந்தமாக இருப்பதோடு, வாழ்க்கையில் அனைத்தையும் சாதிப்பீர்கள் !