ஆன்மீக சாதனை,அங்கிங்கெனாதபடி எங்கும் நிறைந்துள்ள தெய்வீக ஆத்மாவின் உண்மை நிலையை வெளிப்படுத்தும்.ஆனால், கவனமாக இருங்கள்; ஆன்மீக சாதனை, முன்னேற்றத்துடன் கூடவே, தற்பெருமையையும், பொறாமையையும் கூட வளர்க்கக் கூடும். நீங்கள் எவ்வளவு அல்லது எவ்வளவு காலம் ஆன்மீக சாதனை செய்திருக்கிறீர்கள் என்று கணக்கிட்டு, அதை விடக் குறைவாகச் செய்துள்ள மற்றும் ஒருவரை மட்டமாகக் கருத விழைவீர்கள். நீங்கள் இறை நாமத்தை கோடிக் கணக்கில் உச்சரித்தோ அல்லது எழுதியோ இருப்பதை எண்ணி கர்வப் படுவீர்கள்; உங்களது நம்பிக்கை மற்றும் மனோபலத்தை மற்றவர்கள் பாராட்ட வேண்டும் என்பதற்காக, வாய்ப்புக் கிடைக்கும் போது எல்லாம் அதைப் பற்றிப் பேசுவீர்கள். கோடிகள் முக்கியமல்ல; இறை நாமத்தின் மீது கொள்ளும் உண்மையான மனக்குவிப்பால் விளையும் மனத்தூய்மையே முக்கியமானதாகும்.உங்களது ஆன்மீக சாதனை, மூங்கில் கூடையில் தண்ணீரைக் கொண்டு செல்வது போல இருக்கக் கூடாது ! நீங்கள் எவ்வளவு முறை அல்லது எவ்வளவு தூரம் நடந்தாலும், உங்களுக்குத் தண்ணீர் கிடைக்காது. ஒவ்வொரு கெட்ட குணமும், அந்த மூங்கில் கூடையில் உள்ள ஓட்டை போன்றதாகும். இதயத்தை பரிசுத்தமாகவும், பரிபூரணமாகவும், வைத்துக் கொள்ளுங்கள். நீங்கள் கவனமாக, உங்கள் இதயத்திலிருந்து வன்மம், பேராசை, த்வேஷம் மற்றும் கோபத்தை நீக்கியே ஆக வேண்டும்.