ஆழ்ந்தும்,நம்பிக்கையுடனும் பிரார்த்தியுங்கள். பின்னர், உங்கள் மீது இறை அருள் பொழியும். உங்கள் இதயம் ப்ரேமையில் தோய்ந்திருக்கும் போது, அதை அஹங்காரம் மற்றும் அதன் தீய விளைவுகள் மாசடையச் செய்ய முடியாது.எவ்வாறு நீங்கள் உடல் ஆரோக்யம், அதாவது உடலின் அங்கங்களின் நலனிற்காக ஏங்குகிறீர்களோ, அவ்வாறே, அனைத்து நாடுகளின், அனைத்து சமுதாயங்களுக்கும் சாந்தி, சந்தோஷங்களை அளிக்கும் மனித குலத்தின் ஆரோக்யத்திற்காகப் பாடுபட வேண்டும். நீங்கள் அந்த பரந்த மனப்பாங்குடன் இருந்தால், நீங்கள் உங்களது துன்பங்களைப் பற்றிக் குறைவாகவும், மற்றவர்களின் துன்பங்களைப் பற்றி அதிகமாகவும் கவலைப் பட ஆரம்பிப்பீர்கள். அதுவே, வாழ்க்கை எனும் தலை சிறந்த யக்ஞத்தில் நீங்கள் உங்களையே முதல் ஆஹூதியாக இடுவதைப் போன்றதாகும். நீங்கள் உங்களது க்ஷேமத்தை உலகத்தின் க்ஷேமத்துடன் ஒன்றரக் கலந்து விட வேண்டும். உங்களது அண்டை வீட்டார் துன்பத்தில் வாடும்போது, நீங்கள் எவ்வாறு சந்தோஷமாக இருக்க முடியும்? எனவே, நீங்கள் உங்களது சொந்த முன்னேற்றத்திற்காக பிரார்த்திப்பதை விட்டு விட்டு, குல, வர்ண பேதமின்றி, அனைத்து மனித குலத்தின் சாந்தி, சந்தோஷம் மற்றும் வளமைக்காக பிரார்த்தியுங்கள் என நான் வலியுறுத்துகிறேன்.