நீங்கள் அதை உந்துவித்து,ஊக்குவித்தால் மட்டுமே, உங்கள் மனம் நல்லதிலிருந்து கெட்டதற்கும்,துன்பத்திலிருந்து இன்பத்திற்கும், ஊசலாடும். மனதை முடுக்கி விடுவதைத் தவிர்த்து விடுங்கள்;அது, அதனது கோமாளித்தனங்களை நிறுத்தி விடும்.உங்களது துன்பக் கண்ணீரைக் கணக்கிடவோ அல்லது உங்களது துக்கத்தைக் கொட்டித் தீர்க்கவோ செய்யாதீர்கள் ஆகாயத்தில் பறக்கும் பறவைகள் அதில் எந்தச் சுவடையும் விட்டுச் செல்லாமல் கடப்பது போலவும், தீப்பிழம்பும், வெள்ளமும் ஒரு சினிமா அரங்கத்தில், திரையை நனைக்காமல் தோன்றிச் செல்வது போலவும், அவை, உங்கள் மனதில் கடந்து செல்ல விட்டு விடுங்கள். நீங்கள் ஏமாற்றமடையும் போது, மனம் தளராதீர்கள். உங்களது விருப்பமே தவறானதாக இருக்கக் கூடும் அல்லது அது பூர்த்தி அடைந்திருந்தால்,அது உங்களை இன்னும் மோசமான நிலைமையில் ஆழ்த்தி இருக்கக் கூடும். எப்படி இருந்தாலும், அது இறைவனது சங்கல்பமே; உங்களுக்கு எது சிறந்தது என்பதை அவன் அறிவான். பழத்தின் சுவையைக் காத்து, அதன் இனிமை அதில் நிரம்புமாறு செய்வதற்காக அமைந்துள்ள வாழைப்பழத் தோலைப் போன்றவையே ஏமாற்றங்களும், துயரங்களும். இப்படிப் பட்ட நெருக்கடியான சந்தர்ப்பங்களில், உங்கள் மனம், ஆத்மாவின் மகத்துவம் மற்றும் மாட்சிமையைத் தியானிக்கட்டும் ; அது உங்களை எச்சரிக்கையாகவும்,தைரியமாகவும் இருக்க வைக்கும்.