சாஸ்திரங்களைப் படிப்பது, சில தவறான கருத்துக்களை நீக்கி, சரியான சில தீர்மானங்களை உருவாக்கக் கூடும்.ஆனால், அது ஆத்ம சாக்ஷாத்காரத்தை அளிக்க முடியாது. தியானமே,உங்களது அசல் சொத்தான ஆத்ம பொக்கிஷத்தை அடைவதற்குப் பிரதானமாகும். நீங்கள் தியானம் செய்யும் போதும் கூட, உங்களது அஹங்காரம் அதை எப்போதும் தடுக்கும்.சகோதரி நிவேதிதா, தியானத்தின் போது, ஒரே முகமான மனக்குவிப்பைப் பெறுவதற்கான ஆலோசனையை ,சுவாமி விவேகானந்தரிடம் கேட்டபோது, அவர், ‘’மார்க்கரெட் நோபிளை, உனக்கும் தெய்வத்திற்கும் இடையில் வர அனுமதிக்காதே ‘’ என்றாராம். இங்கு ’மார்க்கரெட் நோபிள், நிவேதிதாவே தான். நிவேதிதா என்றால்,’’ அர்ப்பணம்’’ என்றே பொருள்.எனவே தான், சுவாமி விவேகானந்தர், ‘’ உன்னை முழுமையாக தெய்வத்திற்கு அர்ப்பணித்து விடு‘’ என அறிவுறுத்தினார். இந்த முழுமையான அர்ப்பணிப்பு என்பது பாண்டித்யத்திலிருந்து வர முடியாது. மெத்தப் படித்தவர், அஹங்காரத்தினால் மாசடைந்து இருக்கிறார்; அவர், நன்மை, தீமைகளைப் பட்டியலிடுவதிலும், சந்தேகங்களைக் கிளப்புவதிலும், உலகியலானவற்றில், ஆன்மீகத்தை கலந்து குழப்புவதிலும் உவகை கொள்கிறார். பலர் உலகியலான லாபங்களுக்காக இறைவனை வழிபடுகிறார்கள். தெய்வத்தைப் பிராரத்திப்பது, ஆன்மீக முன்னேற்றத்திற்காகவே இருக்க வேண்டும். எனவே, எந்த தாமதமும் இன்றி, நற்குணங்களை வளர்த்துக் கொண்டு, தீய பழக்கங்கள், சிந்தனைகள், சொற்கள் மற்றும் செயல்கள் இன்றி இருங்கள். அன்பில் வளருங்கள்.இதுவே, பேரானந்தத்திற்கான வழியாகும்.