ஒருவர் ஏதாவது நல்ல ஒன்றை விரும்பக் கூடும்.இது ஒருவரது உள்ளார்ந்த உந்துதலினால் அதாவது இச்சா சக்தியினால் ஏற்படுகிறது; ஆனால் ஒருவர் வெற்றியை உறுதி செய்யக் கூடிய ஒரு திட்டத்துடன் முன்னேறவில்லை என்றால், அந்த ஆசையை பூர்த்தி செய்ய முடியாது. அந்த ஆசையை, ஒரு செயலாக உருவாக்க வேண்டும். இதற்கு செயலாற்றும் திறன் அதாவது கிரியா சக்தி தேவை. எல்லாவற்றிற்கும் மேலாக, தன்னை உணர்தல் என்பது, ஒரு நிலைமையின் மீது ஆளுமை பெறுவதிலிருந்து வரும் தன்னம்பிக்கை, ஞானத்தின் வலிமை மற்றும் தெளிவு, அதாவது ஞான சக்தியைப் பொறுத்தே இருக்கிறது.இது இதயத்தில் கொலு வீற்றிருக்கும் தெய்வம் அளிக்கும் அருட் கொடையாகும். ஒருவரது திட்டங்கள் மற்றும் செயல்பாடுகள் எதுவாக இருந்தாலும் அவற்றை, இறைவனுக்கு அர்ப்பணம் என்ற உயர்நிலைக்கு கொண்டு செல்ல வேண்டும். இல்லை எனில் அது வெற்று உடற்பயிற்சி என்ற அளவிற்குத் தாழ்ந்து விடும். தெய்வம் அங்கிங்கெனாதபடி எங்கும் நிறைந்துள்ளது. ஒருவரும் இறைவனை மறுக்கவோ அல்லது உதாசீனப்படுத்தவோ இயலாது.ஒருவர் தெய்வம் இல்லை என மறுக்கும் போது, தன்னையே இல்லை என மறுத்துக் கொள்கிறார். நீங்கள் தெய்வ நம்பிக்கையைப் பேணிக் காத்து, அவன் அனைத்திலும் உள்ளான் என்பதை அறிய வேண்டும்.அந்த நம்பிக்கை, பணிவு, துணிவு மற்றும் பயபக்தியை உங்களுள் விதைத்திடும்.