தெய்வம் மிகவும் விரும்பும் மூன்றாவது புஷ்பம், அனைத்து ஜீவராசிகளிடமும் காட்டப்படும் தயை எனும் புஷ்பமே.அனைவருடனும் நட்பு உணர்வோடு வாழுங்கள்; ஆனால் மனிதர்களுடன் அளவுக்கு மீறிய உறவை வைத்துக் கொள்ளாதீர்கள்.தெய்வம் மிகவும் விரும்பும் தனிச்சிறப்பும், முக்கியத்துவமும் வாய்ந்த நான்காவது புஷ்பம், பொறுமை ( க்ஷமா) எனும் புஷ்பமாகும். பாண்டவர்கள், கௌரவர்களால் மிகவும் துன்புறுத்தப் பட்டார்கள்.ஆனால், தர்மராஜர் ஒருபோதும் பொறுமையை இழக்கவில்லை.இந்தப் பொறுமை எனும் நற்குணமே, பாண்டவர்களுக்கு, எப்போதும் பகவான் ஸ்ரீகிருஷ்ணரின் பாதுகாவலைப் பெற்றுத் தந்து, அவர்களை உலகத்தில் பிறர்க்கு எல்லாம் ஒரு இலட்சிய மனிதர்களாக ஆக்கியது. இறைவன், என்றும் மலரும் புஷ்பங்களான அஹிம்ஸை, புலனடக்கம், கருணை, மற்றும் பொறுமை ( அஹிம்ஸா, இந்திரிய நிக்ரஹா, தயா மற்றும் க்ஷமா ) ஆகியவற்றின் அர்ப்பணிப்பை மிகவும் விரும்புகிறான். அவருக்குப் பிடித்த புஷ்பங்களை நீங்கள் அர்ப்பணித்தால் மட்டும் தான், இறைவன் உங்களிடம் மகிழ்ச்சி அடைந்து, உங்களுக்கு வரங்களை அளித்திடுவான்.தினமும் வாடி, வதங்கும் மலர்களை சமர்ப்பிப்பதால் எந்தப் பலனும் கிடைப்பதில்லை.