இந்த உலகமே ஒரு பரந்து விரிந்த சமூகம்.ஒவ்வொரு தனி மனிதனும், உறவு முறை கொண்டாடுவதற்காக, ஒருவரை ஒருவர் ஈர்க்கும் ப்ரேமையினால் கட்டுண்ட, இந்த சமூகத்தின் ஒரு அங்கமே.இந்த ப்ரேமை ஒவ்வொருவரின் இதயத்தின் ஆழத்தில் இருக்கத் தான் செய்கிறது. அது, அறியப்படாமலும்,தவிர்க்கப் பட்டும், சந்தேகிக்கப் பட்டும், மறுக்கப் பட்டும், விவாதித்து வீசி எறியப்பட்டும் இருக்கிறது. அனைத்து பரிவு மற்றும் சேவை உணர்வின் இரகசியமான மூலாதாரம் அதுவே; இந்த சமூகத்திலும், அதற்காகவும் வாழ ஒரு தூண்டுதலை அது ஏற்படுத்துகிறது. இதுவே, ஒரு தெய்வீகக் கீற்றிலிருந்து அனைத்து கீற்றிற்கும் பாயும், பிரபஞ்சமயமான ப்ரேமை ( விஸ்வ ப்ரேமை ) ஆகும். ஞானத்தினில் ஒளியூட்டப் பட்ட கண்கள் பிரகாசிக்கும் போது, அவர்கள் அனைத்தையும் ஒன்றாகவே காண்கிறார்கள். பின்னர் ஒரு தனி மனிதன், ஸர்வம் ப்ரம்ம மயம் (மாறிக் கொண்டு இருப்பதைப் போலத் தோன்றும் இவ்வுலகத்தில், பரப்ரம்மமே அனைத்திலும் வியாபித்து இருக்கிறது ) என்பதை உணர்கிறான். எல்லாக் காலங்களிலும், எல்லாவற்றிலும் இருப்பதாகத் தன்னை வெளிப்படுத்தும் இந்த பரப்ரம்மத்தை அனுபவிக்க, நீங்கள் நம்பிக்கையை வளர்த்துக் கொண்டு, உங்கள் மனதைக் கட்டுப் படுத்த வேண்டும். உங்கள் மனம் தனது உந்துதல்கள் மற்றும் குறைகளைக் களைய வேண்டும்; பின்னர் நீங்கள் சத்தியத்தை அனுபவிப்பீர்கள்.