பஞ்ச பூதங்களும், பரப்பிரம்மத்தின் ஸங்கல்பத்தினால், சிருஷ்டிக்கப் பட்டவை. அவற்றை பயபக்தியுடனும், ஜாக்கிரதையான பகுத்தறிவுடனும் பயன்படுத்த வேண்டும். அவற்றில் எதையேனும் பொறுப்பற்ற விதத்தில் பயன்படுத்தினால், அதுவே உங்கள் மீதே, பிரம்மாண்டமான ஆபத்துடன் பாய்ந்து விடும். வெளிப்புறத்தில் இருக்கும் இயற்கையை, விவேகத்துடனும், எச்சரிக்கையாகவும், மரியாதையுடனும் கையாள வேண்டும். நம்முடைய உள்ளார்ந்த ‘’ இயற்கை ‘’ மற்றும் உபகரணங்களைக் கையாளுவதும் அவ்வாறே! இவற்றில், இரண்டு மிகப் பெரிய அளவில் தீங்கு விளைவிப்பவை – ஒன்று நாக்கு, மற்றொன்று ஒருவரது காமம். ஒருவர் உண்ணும் உணவு மற்றும் அருந்தும் பானத்தினால், காமம் தூண்டப்பட்டு, கொழுந்து விட்டு எறிவதால், நாக்கின் மீது அதிக கவனம் தேவை. உங்களது கண்கள், காதுகள் மற்றும் மூக்கிற்கு ஒரே ஒரு பயன் இருக்க, நாக்கு மட்டும் இரண்டு விதமான குறிக்கோள்களுக்கு, அதாவது தகவல் தொடர்பின் சின்னங்களான சுவையை கணிக்கவும், சொல்லை வெளிப்படுத்தவும் பயன்படுகிறது . அது உங்களுக்கு, இரண்டு விதத்தில் தீமை விளைவிக்கக் கூடியதால், நீங்கள் உங்கள் நாவை இரட்டிப்பு கவனத்துடன் கட்டுப் படுத்த வேண்டும். யோகசூத்ரங்களை எழுதிய பதஞ்சலி முனிவர், நாக்கை வென்று விட்டால், வெற்றி உங்களுடையதே என்று கூறியுள்ளார் !