சரணாகதி என்ற வார்த்தை தவறாக பொருள் கொள்ளப்பட்டு, மனிதர்கள் சரணாகதி என்ற பெயரில் சோம்பேறித் தனத்தை ஊக்குவிக்கிறார்கள். நாம் , நமது உடலையும் மனதையும் இறைவனிடம் சரணாகதியாகக் கொடுத்து விட்டோம் என்று நினைக்கிறோம். உங்கள் மனம் உங்கள் ஆதிக்கத்திலேயே இல்லை, அப்படி இருக்க அதை எவ்வாறு பிடித்து இறைவனிடம் நீங்கள் கொடுக்க முடியும் ? உங்களது சொந்த உடலின் மீதும் உங்களுக்கு கட்டுப்பாடு இல்லை. எனவே, உங்கள் மனதையும் ,உடலையும், இறைவனிடம் சரணாகதியாகக் கொடுத்து விட்டோம் என்று நீங்கள் கூறுவது உண்மையல்ல ! புல்லாங்குழல், இறைவனுக்கு மிகவும் நெருக்கமாக இருக்கும் ஒரு வாத்தியத்திற்கான சிறந்த உதாரணமாகும்; புல்லாங்குழலின் மிகச் சிறந்த ஒரு குணம் அதனது பரிபூரண சரணாகதியாகும். புல்லாங்குழலுக்கு உள் எதுவும் இல்லை- அதற்கு மீதமுள்ள ஆசைகள் எதுவுமே இல்லை , அது முழுமையாக, காலியாக இருக்கிறது. புல்லாங்குழலைப் போல நமது உடலிலும் ஒன்பது த்வாரங்கள் உள்ளன. நாம் ஆசை எனும் கூழை நமது உடலிலிருந்து வெற்றிகரமாக நீக்கி விட்டோம் என்றால், பின்னர், நமது உடல் எனும் புல்லாங்குழலும், இறைவனுக்கு நெருக்கமாகவும் நேசமானதாகவும் ஆகி விடும் என்பதில் சந்தேகமே இல்லை.