மனமே, வாசனையை, அது நறுமணமோ,துர்நாற்றமோ, நமக்கு உலகிலிருந்து கொண்டு வரும் காற்றாகும்.மனம் துர்நாற்றத்தின் பக்கம் திரும்பினால், அது உங்களுக்கு அருவருப்பைத் தருகிறது. அது நறுமணத்தின் பக்கம் திரும்பினால், நீங்கள் மகிழ்ச்சி அடைகிறீர்கள். காற்று, நாலாபக்கங்களிலும் இருந்து மேகங்களைத் திரட்டி வருகிறது; அதைப் போலவே, உங்களது மனமும் பல ஏமாற்றங்களை, உங்களது உணர்வு நிலைக்குக் கொண்டு வருகிறது. உங்களது அதே மனம் தான், அதை இருட்டாக்கும் மேகங்களைக் கலைக்கவும் செய்கிறது அல்லது சந்தேகம் எனும் காரிருளில் தடுமாறவும் செய்கிறது. உங்கள் மனதைக் கட்டுப்படுத்துங்கள்; நீங்கள் எப்போதும் நிலைகுலையாமல் இருப்பீர்கள். இதுவே சாந்தி கிடைப்பதற்கான ரகசியம் ஆகும்; இந்தப் பாடமே நீங்கள் அனைவரும் முதன் முதலில், உறுதியாகப் பற்றிக் கொள்ள வேண்டிய ஒன்றாகும். இந்த சமச்சீரான மனப்பாங்கினைப் பெறுவதற்கு, உங்களுக்கு உயர்ந்த பட்டங்கள் தேவை இல்லை; ஆனால் முறையான ஆன்மீக சாதனை அவசியம். பின்னர், நீங்கள் பாமரரோ அல்லது பணக்காரரோ, போற்றப்பட்டாலும் அல்லது தூற்றப்பட்டாலும், அதிருஷ்டசாலியோ அல்லது துரதிருஷ்டசாலியோ, எப்போதும் மகிழ்ச்சியாகவே இருப்பீர்கள். இப்படிப் பட்ட ஒரு கவசம் இன்றி வாழ்க்கை எனும் அரங்கில் நுழைவது மடமையே.