இறைவன் மீதான நன்றி உணர்வே, நீங்கள் முதன் முதலில் , வளர்த்துக் கொள்ள வேண்டிய குணம். மனிதர்கள் ,அவர்களுக்குச் செய்யப் பட்ட சிறிய சேவைகளுக்குக் கூட நன்றி உள்ளவர்களாக இருக்கிறார்கள். இயற்கை மற்றும் பஞ்ச பூதங்களின் மூலம், பலவித இன்றியமையாத பலன்களை, நமக்கு அளித்துள்ள இறைவன் பால் நன்றி உணர்வு இருப்பது அவசியமல்லவா?நீங்கள் சுவாசிக்கும் காற்று, அருந்தும் நீர், நடக்கும் பூமி என்ற அனைத்தும் இறைவன் தந்த பரிசுகளே. இந்த உலகில் உள்ள அனைத்து மின் விளக்குகளும் சேர்ந்தாலும் கூட அளிக்க முடியாத ஒளியைத் தரும் சூரியனுக்கு நீங்கள் எவ்வளவு நன்றி உள்ளவர்களாக இருக்க வேண்டும்? ஒரே ஒரு மழைப் பொழிவு அளிக்கும் அளவிலான நீரை, உலகில் உள்ள அனைத்து பம்ப் செட்டுக்களும் சேர்ந்தாலும் அளித்திட முடியுமா? காற்று வீசும்போது உங்களுக்குக் கிடைக்கும் தென்றலை, அனைத்து மின்விசிறிகளும் சேர்ந்தாலும் அளிக்க இயலுமா? இந்த தெய்வீகப் பரிசுகளுக்கு நன்றி உடையவனாக இல்லாமல் , மனிதன் அற்ப விஷயங்களின் பின் சென்று, அவனது வாழ்க்கையை வீணடிக்கிறான். இறைவனைப் பல வழிகளில் போற்றிய பண்டைய கால தலைசிறந்த முனிவர்கள், பக்தியையே இறைவனுக்கு நன்றி உணர்வைத் தெரிவிக்கும் முறையாகக் கருதினார்கள்.