சாந்தி, சந்தோஷங்களைப் பெறுவதற்கு, நீங்கள் அஹங்காரம் மற்றும் அதன் வாரிசுகளான காம, க்ரோத, லோப,மோஹ, மத, மாத்ஸர்யங்கள் அற்ற ஒரு தூய மற்றும் களங்கமில்லாத மனதை வளர்த்துக் கொள்ள வேண்டும்.இதற்கு நீங்கள் சீரிய ஆன்றோரின் நட்பு வட்டத்தை (ஸத்ஸங்கம்) நாடி, நற்செயல்களை (ஸத்கர்மா) ஆற்றி,நல்ல சிந்தனைகளை ( ஸத்ஆலோசனா) மட்டுமே ஏற்று, சீரிய மற்றும் உயர்ந்த நூல்களையே ( ஸத்க்ரந்தா) படிக்க வேண்டும். நீங்கள் ஆயிரம் நல்லவற்றைக் காணலாம் அல்லது ஆயிரம் உத்வேகம் அளிக்கும் உபன்யாசங்களைக் கேட்கலாம் அல்லது ஒரு ஆயிரம் நல்ல புத்தகங்களைப் படிக்கலாம்; ஆனால் அந்த போதனைகளில் ஒன்றையாவது நடைமுறையில் கடைப்பிடிக்கா விட்டால், உங்கள் இதயமெனும் கண்ணாடியில் படிந்திருக்கும் தூசுகள் நீக்கப் பட மாட்டா ! உங்கள் இதயம் எனும் கண்ணாடி தூய்மையாக இல்லா விடில், இறைவன் அதில் பிரதிபலிக்க மாட்டான். நீங்கள் கடலின் ஒரு அலையே அன்றி வேறில்லை என்பதை நினைவில் கொள்ளுங்கள். இதை அறிந்து கொள்ளுங்கள், நீங்கள் முக்தி பெற்று விடுவீர்கள்.முழுமையான நம்பிக்கையுடன், இடையறாத ஆன்மீக சாதனை, ஒரு மனிதனை ( நரனை), மாதவனாக ( நாராயணனாக) மாற்றி விடும் ; ஏனெனில் தெய்வீகமே உங்களது உண்மையான இயல்பும், சாரமும் ஆகும் !