இது மிகவும் வருத்தத்திற்கு உரிய விஷயமே: நல்ல விஷயங்கள் பேசப்படும் போது, அவற்றில் கவனம் செலுத்த மிகவும் சிரமப்படுகிறீர்கள்; ஆனால் கீழ்த்தரமான,கவனத்தைச் சிதறடிக்கும் விஷயங்கள் பேசப்படும்போது,உங்கள் காதுகள் கூர்மையாக கவனிக்கின்றன.உங்களது நடத்தையை, உங்களது ஆதிக்கத்தில் வைத்திருங்கள்;அவ்வப்போது ஏற்படும் உந்துதல்களால் ஈர்க்கப் படாதீர்கள்; உங்களுக்கு நல்லது எது என்பதை எப்போதும் உணர்ந்திருங்கள். நீங்கள் மற்றவர்களை துன்புறுத்தாமலும் அல்லது நீங்களே துன்பத்திற்கு ஆளாகாமலும், உங்களது தினசரி வேலைகளைச் செய்யுங்கள். இதுவே புத்திசாலித்தனமாக வாழ்வதன் அறிகுறியாகும். திடீரென எழும் கோபம் அல்லது துக்கம் அல்லது மகிழ்ச்சிப் பரவசம் அல்லது மன அழுத்தம் ஆகியவற்றிற்கு இடம் கொடுக்காதீர்கள்.நீங்கள் வெளிப்படுத்தும் குழப்பத்திற்குக் காரணம் தாமஸ மற்றும் ராஜஸிக குணங்களே. நல்லவற்றை அமைதியாகக் கேட்பதற்கும், உங்களது நிலைகுலையாமையைத் தக்க வைத்துக் கொள்ளவும் , உங்களை பழக்கிக் கொள்ளுங்கள். அமைதியாகவும், கலக்கமடையாமலும், ஸாத்வீகமாகவும் இருங்கள். அனைத்து ஜீவ ராசிகளிடமும் கருணை, உங்களது குறைகளுக்கு மனம் வருந்துவது, தவறிழைப்பதில் பயம், இறைவன் பால் அச்சம் ஆகியவற்றை, எந்த அளவு அதிகமாக வளர்த்துக் கொள்ளுகிறீர்களோ, அந்த அளவு நீங்கள் உறுதியாக சாந்தியில் நிலை கொள்வீர்கள்.