மீனைப் பாருங்கள் ! தண்ணீரிலேயே எப்போதும் மூழ்கி இருந்தாலும் கூட, தனது துர்நாற்றத்தை கொஞ்சமாவது நீக்கிக் கொண்டிருக்கிறதா? இல்லையே! ஒருவர் இதயத்தைத் தூய்மைப் படுத்தும் பல ஆன்மீக சாதனைகளில் மூழ்கி இருந்தாலும் கூட,இதயம் முழுவதும் அஹங்காரத்தின் மாயை சூழ்ந்திருந்தால், வாஸனைகள் எனப்படும் உந்துதல்கள் மறையாது.நீங்கள் உண்மையிலேயே,‘’ நான்’’, ‘’ எனது’’ என்ற உணர்வுகளை விட்டொழிக்க விரும்பினால், உங்களை மனமாற்றம் செய்து கொண்டு, எந்த விதமான விருப்பு வெறுப்பும் இன்றி, இறைவனை வழிபட வேண்டும். எவ்வாறு ஒளியும், இருளும் ஒரே இடத்தில் இருக்க முடியாதோ, அவ்வாறே அன்பும், வெறுப்பும் ஒரே இதயத்தில் இருக்க முடியாது. நீங்கள் செவிகளின் வழியாக இன்ப , துன்பங்களை அனுபவிக்கிறீர்கள். எனவே, ஒரு ஆன்மீக சாதகராக,கடுஞ் சொற்கள் என்ற கொடூரமான அம்புகளை தவிர்த்து விடுங்கள்.அதற்கு பதிலாக, சத்தியத்தில் தோய்ந்த இனிமையான, இன்பமான, இதமான, வார்த்தைகளைப் பயன் படுத்துங்கள். பொய்மையைக கலந்து பேசப்படும் இதமான வார்த்தைகள் உங்களுக்கு துன்பத்தைக் கொண்டு வந்து விடும்.நீங்கள் ஒரு உண்மையான ஆன்மீக சாதகரை அவர்களது நல்ல குணங்களின் மூலம் இனம் கண்டு கொள்ளலாம்.