உங்களில் சிலர் கேட்கலாம், '' எண்ணம் மற்றும் வார்த்தைகளுக்கு வரம்பு வைத்து, கட்டுப் படுத்தி, ஒழுங்கு படுத்தும் தர்மம் எவ்வாறு ஒரு மனிதனை விடுதலை பெறச் செய்ய முடியும்? '' என்று.விடுதலை என்பது ஒரு விதமான பந்தத்திற்கு நீங்கள் இடும் பெயர்.உண்மையான விடுதலையை மாயை இல்லாது, உடல் மற்றும் புலன்களோடு தன்னை இனம் கண்டு கொள்ளாமலும், பொருட்களாலான இந்த உலகிற்கு அடிமையாகாமலும் இருந்தால் மட்டுமே பெற முடியும்.இப்படிப் பட்ட அடிமைத் தளத்திலிருந்து தப்பித்து, உண்மையிலேயே சுதந்திரம் பெற்றவர்கள் மிகச் சிலரே. இந்த உடலே தான் என்ற உணர்வோடு ஆற்றப் படும் ஒவ்வொரு செயலும் நம்மை பந்தத்தில் பிணைக்கிறது ஏனெனில் அப்போது ஒருவர் புலன்களின் விளையாட்டு பொம்மையாக இருக்கிறார்.இந்த விதியிலிருந்து தப்பித்தவரே உண்மையில் சுதந்திரம் பெற்றவர்;இந்த '' சுதந்திரமே'' தர்மம் இட்டுச் செல்லும் இலட்சிய நிலையாகும்.இந்த நிலையை எப்போதும் நினைவில் கொண்டு, வாழ்க்கையின் செயல்பாடுகளில் நீங்கள் ஈடுபட்டால், நீங்கள் உண்மையிலேயே, இந்தப் பிறவியிலேயே முக்தி பெற்றவர்களாகிறீர்கள்.