எவர் ஒருவர் தனது அஹங்காரத்தை அடக்கி,சுயநலமான ஆசைகைள வென்று, விலங்கியலான உணர்வுகள் மற்றும் உந்துதல்களை அழித்து, தனது உடலையே ஆத்மாவாகக் கருதும் இயல்பான மனப்போக்கை விட்டு விடுகிறாரோ, அவர் கண்டிப்பாக தர்மத்தின் பாதையில் இருக்கிறார் எனலாம்; தர்மத்தின் குறிக் கோள் அலைகள் கடலுடன் ஒன்றரக் கலப்பதே என்பதை அவர்கள் அறிவார்கள் ! உலகியலான செயல்களில், நீங்கள் நல்ல தன்மையின் கோட்பாடுகளை அவமதிக்காமல் இருப்பதில் கவனமாக இருத்தல் வேண்டும்; அந்தராத்மாவின் உந்துதல்களுக்கு எதிராக நடத்தல் கூடாது; மனச்சாட்சியின் தகுந்த கட்டளைகளை எல்லாக் காலங்களிலும் மதித்து நடக்க வேண்டும்; நீங்கள் மற்றவர்களின் வழியில் இடையூறாக இருக்கிறீர்களா என்பதைக் கவனிக்க வேண்டும்; கண்களை மயக்கும் இந்த வண்ண ஜாலமான வேற்றுமைகள் எல்லாவற்றிற்கும் பின்னால் இருக்கும் சத்தியத்தைக் கண்டு கொள்வதில் எப்போதும் கவனமாக இருக்க வேண்டும். இதுவே உங்கள் கடமை, உங்கள் தர்மம். இவை அனைத்தும் பரப்ரம்மனே ( ஸர்வம் கல்விதம் ப்ரம்மா) என உங்களை ஏற்றுக் கொள்ள வைக்கும், கொழுந்து விட்டு எரியும் ஞானத்தின் ஜ்வாலை, உங்களது அஹங்காரம் மற்றும் உலகியலான பற்றுதல்களின் சுவடுகளைக் கூட எரித்துச் சாம்பலாக்கி விடும்.