இதயத்தைத் தூய்மைப் படுத்தும் பல விதமான ஆன்மீக சாதனைகளில் ஒருவர் மூழ்கி இருந்தாலும் கூட, அவரது இதயம் முழுவதும் அஹங்காரம் என்ற மாயையால் நிரம்பி இருக்கும் வரை, வாஸனாக்கள் ( நிறைவேறாத ஆசைகள்) மறையாது.இப்படிப் பட்ட மனிதர்கள், அவர்கள் '' நான்'', '' எனது'' என்ற உணர்வுகளை விட்டொழிக்க விரும்பினால் இறைவனை வழிபட வேண்டும்.எவரது இதயம் ஆறு விதமான தீய குணங்களால் ஆளப்படுகிறதோ, அஹங்காரம் மட்டுமே அவர்களது ஆலோசகராக இருக்கும் ! எவ்வளவு தான் தாங்கள் மிகச் சிறந்த பண்டிதர்கள்,ஆன்மீக சாதகர்கள் அல்லது முற்றும் துறந்தவர்கள் என்று அவர்கள் பறைசாற்றிக் கொண்டாலும், இப்படிப் பட்ட ஆலோசகர்களைக் கொண்ட மனிதர்கள் முட்டாள்களை விட மோசமானவர்கள். மனிதர்கள் காதுகளின் மூலமாக சந்தோஷம் மற்றும் துன்பத்தை அனுபவிக்கிறார்கள்.எனவே, கொடுமையான அம்புகள் போன்ற கடுமையான வார்த்தைகளைத் தவிர்த்து, ஒருவர் இனிமையான, மனதிற்குகந்த, இதமான வார்த்தைகளையே பேச வேண்டும்- அந்த இதத்துடனேயே சத்தியத்தின் இனிமையையும் சேர்த்து விடுங்கள். பொய்மையைக் கலந்து, வார்த்தையை இதமாக்குவது மேலும் துன்பத்திற்கே வழி வகுக்கும். ஆன்மீக சாதகராக ஆகி விட்ட ஒருவர் இதமான, இனிமையான, உண்மையான மற்றும் மனதிற்குகந்த வார்த்தைகளையே பேச வேண்டும். இப்படிப் பட்ட ஒரு மனிதர் அவரது நற்குணங்களால் இனம் கண்டு கொள்ளப் படுகிறார்.