இந்தக் கலியுகத்தின் துரதிருஷ்டவசமான அறிகுறி என்ன என்றால், ஒவ்வொருவரும் கோவில்களுக்கும்,வழிபாட்டுத் தலங்களுக்கும் அற்பமான நன்மைகளைப் பெறுவதற்காக மட்டும் செல்கிறார்கள்.நீங்கள் இறைவனையே வென்று பெற முடியும் எனும் போது,எதுதான் உங்களுக்குக் கிட்ட இயலாமல் போகும்? தியாகராஜ சுவாமிகள் தெளிவாக, '' ராமா, உன் அனுக்ரஹம் மட்டும் எனக்கு இருந்து விட்டால், எந்த க்ரஹமும் எனக்குத் தீங்கு இழைக்க முடியாது'' எனப் பறைசாற்றினார். இறைவனது அன்பிலிருந்து கிடைக்கும் மனத்திண்மை, உங்களுக்கு தன்னம்பிக்கையை அளிக்கிறது.தன்னம்பிக்கை அளவற்ற ஆத்ம சக்தியை உருவாக்குகிறது.ஒவ்வொருவரும் இந்த சக்தியை வளர்த்துக் கொள்ள வேண்டும்.இந்த தன்னம்பிக்கையை வளர்த்துக் கொண்டால், நீங்கள் ஆத்மானந்தத்தை அனுபவிக்க முடியும். இறையன்பால் நிரம்பியுள்ள ஒருவர் மிகச் சிறந்த மனச்சாந்தியுடன், தூய இதயம் கொண்டவராக, எந்தக் கடினமான சந்தர்ப்பத்திலும்,தோல்விகளோ அல்லது நஷ்டங்களோ,அவற்றால் நிலை குலையாது இருப்பார். அன்பு என்பது எதிர்பார்ப்பு உணர்வுகள் இன்றி இருக்க வேண்டும். பதிலுக்கு ஏதோ ஒன்றை எதிர்பார்க்கும் ஒரு ஆசையினால் எழும் அன்பு, உண்மையான அன்பு அல்ல. பரிபூரணமான தன்னலமோ, உள் நோக்கமோ அற்ற அன்பை வளர்த்துக் கொள்ளுங்கள்.