கடுமையாக உழைக்கும் உழவனுக்கு பட்டினியைப் பற்றிப் பயம் இருப்பதில்லை.இறை நாமஸ்மரணை செய்யும் ஒருவருக்கு,உலகியலான கவலைகள் பற்றிய அச்சம் இருப்பதில்லை.குறைவாகப் பேசும் ஒருவருக்கு எதிரிகள் இருப்பதில்லை.அளவுக்கு மீறிய பேச்சுக்களினால், மனிதர்கள் சண்டை, சச்சரவுகளுக்கு ஆளாகிறார்கள்.ஒவ்வொருவரும் மிதமாகப் பேசுவதை வளர்த்துக் கொள்ள வேண்டும். பேச்சில் நிதானமாக இருப்பது, நட்புறவான உணர்வுகளுக்கு உதவுகிறது.அனைத்து செயல்களையும்,நன்கு ஆராய்ந்தபின் செய்து, தனது நடத்தையில் கவனமாக இருப்பவருக்கு, அபாயங்களைப் பற்றிய அச்சம் இருப்பதில்லை. உண்மையான கல்வி என்பது எப்படி அமைதியான வாழ்க்கை நடத்துவது என்பதை அறிந்து கொள்வதில் தான் இருக்கிறது. வெற்றிகரமான வாழ்க்கையைத் தொடங்குவதற்கோ அல்லது பெறுவதற்கோ, நீங்கள் உலக அமைதியை நாடுபவர்களாக இருக்க வேண்டும். ஏனெனில் நீங்களும் இந்த உலகின் ஒரு அங்கமே ;உங்களது க்ஷேமமும், உலக க்ஷேமத்துடன் இறுக்கமாக இணைக்கப் பட்ட ஒன்று தான். அனைத்து குறுகிய எண்ணங்களையும் விடுத்து, ஒற்றுமையையும், தோழமை உணர்வையும் முயன்று பெற்றிடுங்கள்.